Вы 100% не ведалі, што ў гэтых месцах Мінска можна смачна і танна паесці
Не ведаеце, дзе смачна і танна паесці ў Мінску? Нечаканую параду даў тыкток-блогер — вы дакладна ніколі не наведвалі такія месцы. Аказваецца, выдатна кормяць у буфетах дыспетчарскіх станцый.
Два гады таму тыкток-блогер пад нікам Dostaliceny выпадкова даведаўся пра тое, што на дыспетчарскіх станцыях (тых самых, якія знаходзяцца на канцавых прыпынках маршрутаў) можа паесці любы ахотны.
Ён схадзіў у разведку на ДС «Кунцаўшчына» і застаўся вельмі задаволены: за смешныя грошы атрымалася не проста перакусіць, а паўнавартасна паабедаць. Пазней ён наведаў яшчэ некалькі аналагічных месцаў.
Але ўзімку, калі блогер прыехаў на ДС «Адоеўскага», ён быў расчараваны. Нягледзячы на тое, што на гугл-мапах было адзначана, што буфет працуе, аказалася, той зачыніўся назаўсёды.
Тыдзень таму хлопец вырашыў наведацца ў буфет ДС «Шабаны» і даведаўся, што той таксама больш не працуе. Спужаўшыся, ці не закрыліся іншыя такія буфеты, блогер паехаў правяраць. Але ўздыхнуў з палёгкай: на дыспетчарскіх станцыях «Кунцаўшчына», «Захад-3», «Паўднёвы Захад», «Малінаўка-4», «Усходняя» ўсё працуе. Меню апошняга буфета ён і пратэсціраваў: за халаднік, катлету з бульбяным пюрэ, салату і гарбату аддаў 9 рублёў і 92 капейкі.
— Як звычайна, застаўся задаволены. Я гэта ўсё да чаго? Мне падабаюцца нестандартныя месцы, асабліва дзе нядорага і проста. І ДС у гэтым плане знаходка. Кормяць бюджэтна і ў любы дзень. У тым ліку і ўвечары. Шыкоўная атмасфера і ветлівыя прадаўцы.
Наўрад ці, вядома, такое месца падыдзе для рамантычнага спаткання (калі толькі для вельмі крэатыўнага), але вось павячэраць, калі лянота гатаваць, можна. Зорак мішлен у буфетаў няма, але смачна і сытна накормяць.
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай88
Каментары
а-то ўсё дюмаю - чаму маршрутачнікі прэдпачытают кофе у шаурмічнай
дарэчы. што да кофе. на момант майго пасяшчэнія буфета кофе там не было
на картах таро
видимо кофе все выпил Индеец ?
(