«Dzicia jechała z traŭmaj chrybta, a nie sa spałocham». Padrabiaznaści zdareńnia z atrakcyjonam u parku Čaluskincaŭ
Vidavočca raspaviała, što paciarpiełych było bolš, čym čatyry čałavieki.
Uviečary 6 lipienia ŭ parku Čaluskincaŭ u Minsku złamaŭsia atrakcyjon. Z-za abryvu trasoŭ kabinki ź ludźmi ŭpali na ziamlu z vyšyni 3-4 mietry.
U administracyi Pieršamajskaha rajona raspaviali pra minimum čatyroch paciarpiełych. Supracoŭniki parku havaryli ab troch naviedvalnikach, jakim spatrebiłasia dapamoha.
Adnak adna z naviedvalnic raspaviała Onliner, što paciarpiełych mahło być bolš.
«U 18:35 rezka ŭpali ŭ ziamlu, paśla ŭzdymu navierch prajšło 30 siekund. Źjazdžali na chutkaj, dzicia jechała z traŭmaj pajaśničnaha adździeła chrybta, a nie sa spałocham, jak kamientuje administracyja. Ja — z traŭmaj łokcievaha sustava. U balnicy zrabili zdymki i pastavili ŭdary siaredniaj stupieni ciažkaści.
Chutkuju vyklikali minaki i rabotniki parku (vielizarny čałaviečy dziakuj rabotnikam chutkaj dapamohi). U kožnaj kabincy byli ludzi, nas było značna bolš, čym čatyry čałavieki. Ludzi razyšlisia adrazu, potym padychodzili, apracoŭvali ranki», — raspaviała naviedvalnica.
Inšyja vidavočcy raspaviadali, što na miesca zdareńnia prybyli try karety chutkaj dapamohi. Dzieci płakali, ale samastojna ŭstali na nohi. Adna z žančyn trymałasia za ruku.
Ciapier čytajuć
Cichanoŭski: Łukašenku treba sudzić pa łukašysckich zakonach, ale pasadzić na koł6
Kamientary