Polski bok z 03:00 10 lipienia nie prymaje hruzavyja transpartnyja srodki, jakija iduć ź Biełarusi praz punkt propusku Kazłovičy», piša Mytny kamitet.
U vyniku kolkaść hruzavikoŭ za minułuju noč vyrasła da 600, u toj čas jak učora čarhi nie było zusim.
Sa słoŭ kiroŭcaŭ, jakija pierasiakajuć biełaruska-polskuju miažu, palaki ŭzmacnili kantrol.
U napramku Biełarusi praz hety punkt propusku transpartnyja srodki pakul iduć, ale značna pavolniej, čym zvyčajna, pišuć mytniki.
«Kazłovičy» («Kukuryki» z polskaha boku) — apošni punkt na miažy Biełarusi i Polščy, praź jaki ažyćciaŭlaŭsia ruch hruzavoha transpartu.
Mienavita zakryćcio hruzavoha patoku ekśpierty nazyvajuć hałoŭnym instrumientam cisku Polščy na biełaruski bok. Polšča namahajecca spynić mihrancki kryzis na miažy i vyzvalić ź biełaruskaj turmy žurnalista Andžeja Pačobuta.
Prezident Polščy Andžej Duda z 22 pa 26 červienia znachodziŭsia ź vizitam u Kitai. Tam jon, siarod inšaha, papiaredziŭ kiraŭnika KNR Si Czińpina pra abvastreńnie situacyi na biełaruskaj miažy, mahčymym pierakryćci jaje i mahčymych nastupstvach hetaha dla kitajskaj łahistyki tavaraŭ.
Pry kancy červienia pa dypłamatyčnych kanałach u Minsk byŭ nakiravany sihnał ab tym, što Polšča bolš nie maje namieru ciarpieć mihracyjny cisk na svajoj miažy, a taksama źniavoleńnie žurnalista i hramadskaha aktyvista Andžeja Pačobuta.
Paśla hetaha mihrantaŭ na polskaj miažy nie stała, vyjšli na volu dva dziasiatki palitviaźniaŭ, ale niepachisny Pačobut zastajecca za kratami.
Polšča ŭviadzie detalovy kantrol tranzitu z Kitaja praź Biełaruś, daviała da Minska patrabavańni
Uzmocnieny kantrol čyhunki na polskaj miažy spyniŭsia praz 33 hadziny. Słova za Łukašenkam
«Śpiektakl skončany?» BiełTA vystupiła ź miehavodpaviedździu adnosna situacyi na miažy
Łatuška: Łukašenka sklikaŭ zakrytaje pasiadžeńnie Rady biaśpieki dla abmierkavańnia patrabavańniaŭ Polščy
Ciapier čytajuć
Ci chočuć biełarusy sajuza z Rasijaj? Vyniki novaha apytańnia19
Kamientary
Dop*zdieliś.