U Salihorskim rajonie znajšli vusienia vielmi redkaha matylka. Čamu my tak redka jaho bačym?
Zdymkam vusienia daŭžynioj ažno 11 sm padzialiŭsia zaołah Siarhiej Šakała. Mužčyna kaža, što heta vusień bražnika Acherontia atropos (miortvaja hałava), a jon u nas zusim nie časty hość, piša Smartpress.by.
«Fota dasłaŭ moj dobry znajomy z pasiołka Krasnadvorcy Salihorskaha rajona Barys Zinčuk z pytańniem, chto heta. Bražniki Acherontia atropos u nas sustrakajucca, a voś vusieniaŭ hetaha vidu raniej nie bačyŭ», — adznačaje Siarhiej Šakała.
Znachodka sapraŭdy vyhladaje vielmi ekzatyčna, dy i pamier vusienia ŭražvaje.
Viadučy navukovy supracoŭnik Centra pa bijaresursach NAN Biełarusi, entamołah Anatol Kułak raskazaŭ, što bražnik miortvaja hałava — paŭdniovy vid.
«Ale hetyja matylki zdolnyja pieramiaščacca na vysokich chutkaściach na vialikija adlehłaści. I sotni kiłamietraŭ dla ich — ništo. Da nas, naprykład, prylatajuć i adkładajuć jajki bražniki ź mižziemnamorskaha rehijonu. Viadoma ž, heta redkaść, ale znachodki vusieniaŭ miortvaj hałavy byli i raniej», — tłumačyć śpiecyjalist.
U imaha miortvaj hałavy karotki, ale ćviordy chabatok, što dazvalaje im prakusvać sadavinu i vysmoktvać ź jaje sok. Hetyja bražniki mohuć navat zalatać u vulli i charčavacca miodam pčoł. Ale asnoŭnyja karmavyja raśliny — heta paślonavyja, bulba, pamidory i inš.
«U Biełarusi byŭ vypadak, kali miortvaja hałava zalacieła ŭ ciaplicu i adkłała jajki na pamidory. Vusieni padraśli i źjeli ŭsie kusty tamataŭ», — zaŭvažyŭ Kułak.
Uvohule hetaje nasiakomaje my b bačyli čaściej, ale jano viadzie načny ład žyćcia. Da taho ž, apracoŭka paloŭ piestycydami ad kałaradskaha žuka taksičnaja i dla bražnika miortvaja hałava. Heta nie daje jamu šyroka raspaŭsiudzicca ŭ našaj krainie.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak11
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary
Kali takija śpioki i dalej ŭ Biełarusi małpy pa palmach skakać pačnuć .
a hetym letam trapiŭsia inšy bražnik - z čornym kvadratam na śpinie. hłazčatyj. cikava, jak pa-biełarusku budzie "hłazčatyj"?
Red., fota dasłać?)