Camu partyju kanclera padtrymlivajuć tolki 15% niemcaŭ.
Žurnalist Bild Fłaryjan Kajn nahadvaje, što 66-hadovy Ołaf Šolc choča pieraabracca kancleram Hiermanii paśla fiederalnych vybaraŭ vosieńniu 2025 hoda.
Ale, jak i ŭ Džo Bajdena, u jaho katastrafična nizki rejtynh navat siarod adnapartyjcaŭ. Tolki tracina vybarščykaŭ SDPH chacieli b znoŭ bačyć jaho kiraŭnikom urada.
A samu partyju kanclera padtrymlivajuć tolki 15% niemcaŭ. Sacyjał-demakraty mohuć prymusić Šolca pajści i zamianić jaho bolš papularnaj fihuraj, ličyć Kajn. Naprykład, ministram abarony FRH Barysam Pistoryusam.
«Viadoma, moža dajści da taho, što ŭpłyvovyja siły ŭ SDPH akažuć cisk na Ołafa Šolca, kab toj bolš nie bałatavaŭsia. Ale navat kali b u nas adbyłosia toje samaje, što ŭ ZŠA, usio roŭna heta była b zusim inšaja palityčnaja situacyja.
My havorym pra zusim inšuju pasadu: kancler nie vałodaje ŭładaj prezidenta, i ŭ nas u Hiermanii niama dvuchpartyjnaj sistemy. Bolš za toje, uzrovień ekanamičnaj, palityčnaj i kulturnaj palaryzacyi ŭ ZŠA značna bolš surjozny», — skazaŭ prafiesar palitałohii Michael Kos z Univiersiteta Łejfana ŭ Lunieburhu.
Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7
Kamientary