Hramadstva11

Palitviaźniam, u jakich zakančvajucca terminy, prapanavali napisać prašeńni ab pamiłavańni

«Skazali, što Łukašenka moža padpisać, chaj čakajuć».

Fota: Viasna

Palitviaźniam, terminy jakich blizkija da zaviaršeńnia, prapanavali pisać prośby ab pamiłavańni na imia Alaksandra Łukašenki. Takuju infarmacyju pieradała Radyjo Svaboda krynica sa spasyłkaj na svajakoŭ źniavolenych kałonii № 15 pad Mahilovam. Svajo imia krynica prasiła nie nazyvać u metach biaśpieki. Krynica dadała da hetaj infarmacyi niekatoryja padrabiaznaści.

«Na pačatku miesiaca z kałonii pa amnistyi vyjšli palitviaźni, u jakich vialikija prablemy sa zdaroŭjem. Niekalki čałaviek. A ciapier vyklikali palitviaźniaŭ, u jakich sa zdaroŭjem adnosna narmalna, ale ŭ ich nieŭzabavie zakančvajucca terminy.

Miesiac, a to i para tydniaŭ — i na svabodu. I prapanavali im pisać prašeńni ab pamiłavańni. Skazali, što Łukašenka moža padpisać, chaj čakajuć. Niekatoryja ciapier dumajuć, ci varta pahadžacca, bo i biez taho spadziajucca vyjści nieŭzabavie na volu», — raskazała krynica.

Kolkaści tych, kamu było prapanavana pisać prašeńni ab pamiłavańni, surazmoŭca nie viedaje.

«Heta niekalki čałaviek, nie adzinki. Ale siarod ich dakładna niama tych, kamu vychodzić na volu jašče niachutka», — skazała krynica.

Pavodle pravaabaroncaŭ, u pačatku lipienia na volu pa amnistyi i praz pamiłavańnie vyjšli kala 20 palitviaźniaŭ. Pa stanie na 5 lipienia pravaabaroncy «Viasny» dakładna havaryli pra 16 vyzvalenych palitźniavolenych.

Tady publična nazyvałasia tolki imia lidara partyi BNF Ryhora Kastusiova, asudžanaha na 10 hadoŭ kałonii, jaki chvareje na ankałohiju. Paźniej stała viadoma, što tady ž na volu pa pamiłavańni z homielskaj žanočaj kałonii vyjšli palitźniavolenyja Darja Łosik, Śviatłana Łupač, Palina Pałavinka, Tamara Astrejka i Kaciaryna Madziankova.

Usie palitźniavolenyja vyšli z kałonii №4 u Homli 3 lipienia. Pieršapačatkova ŭ hetym śpisie fihuravała imia Śviatłany Łupač, dački žurnalista Źmitra Łupača. Adnak paźniej vyśvietliłasia, što Śviatłana vyjšła na volu 2 lipienia, bo ŭ jaje skončyŭsia termin źniavoleńnia.

Kamientary1

  • SM
    26.07.2024
    Prosiť nie o tom, čtoby srok skosili, a čtoby novyj nie davali? To jesť užie voobŝie nie važno za čto i na kakoj srok posadili: poka nie vzmolatsia o poŝadie, budut sidieť viečno???!

Ciapier čytajuć

Siarhiej Cichanoŭski vyjšaŭ na volu9

Siarhiej Cichanoŭski vyjšaŭ na volu

Usie naviny →
Usie naviny

«Vieryli ŭ Trampa-miratvorca». Udar Izraila pa Iranie zaśpieŭ Kreml źnianacku4

Pucin zajaviŭ, što «nie damahajecca kapitulacyi z boku Ukrainy»5

Navukoviec patłumačyŭ, čamu Minsk sioleta tak zaros travoj7

Ci buduć sioleta čarnicy? U tyktoku praviali pierakličku1

Ansambl «Pieśniary» budzie vypuskać pad svaim brendam harełku4

U izrailskaj Chajfie 17 čałaviek paranienyja paśla iranskaha rakietnaha ŭdaru6

U Minsku chočuć kinuć studentaŭ na skošvańnie travy9

Padčas vizitu Pucina ŭ Sankt-Pieciarburh tam adklučyli internet1

Aleksijevič pra siłavy scenar: Ja čuła heta ad Prakopjeva. A čaho ž jon sam pajechaŭ u Amieryku i adkryŭ restaran u bitvie za Radzimu?61

bolš čytanych navin
bolš łajkanych navin

Siarhiej Cichanoŭski vyjšaŭ na volu9

Siarhiej Cichanoŭski vyjšaŭ na volu

Hałoŭnaje
Usie naviny →

Zaŭvaha:

 

 

 

 

Zakryć Paviedamić