Muzyki admianili svoj raźvitalny tur Peace Out, jaki anansavali ŭ mai 2023 hoda. Jany paśpieli pravieści try kancerty.
U vieraśni stała viadoma, što frontmen Styŭ Tajler paškodziŭ hałasavyja źviazki, paśla čaho hurt adkłaŭ astatnija kancerty ŭ ramkach tura da nastupnaha hoda.
«My zaŭsiody chacieli ŭrazić vas svaim vystupam. Jak vy viedajecie, hołas Styviena — instrumient, nie padobny ni na adzin inšy. Jon pravioŭ miesiacy, niastomna pracujučy nad tym, kab adnavić hołas», — havorycca ŭ zajavie hurta ŭ X.
«Adnak całkam adnavić źviazki niemahčyma, tamu Aerosmith pryniaŭ składanaje, ale nieabchodnaje rašeńnie pakinuć hastrolnuju scenu», — zajavili tam.
U Styviena Tajlera (imia pry naradžeńni Styvien Viktar Tałaryka), jaki naradziŭsia ŭ 1948 hodzie ŭ štacie Ńju-Jork, jość biełaruskija karani. Jaho dzied pa matčynaj linii Fieliks Čarnyševič naradziŭsia ŭ 1892 hodzie ŭ Kličavie i ŭ 1914 hodzie emihravaŭ u ZŠA, dzie źmianiŭ proźvišča na Błanča. Fieliks — brat piśmieńnika polskaha pachodžańnia Fłaryjana Čarnyševiča, jaki naradziŭsia ŭ 1900 hodzie ŭ majontku pad Babrujskam.
Fłaryjan Čarnyševič — aŭtar cikavaha ramana «Nadbiarezincy» (1942), u jakim apaviadajecca pra dramatyčny los žycharoŭ šlachieckich zaścienkaŭ na ziemlach pamiž Biarezinaj i Dniaprom u 1911—1920 hadach. U 2017 hodzie raman vyjšaŭ pa-biełarusku.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?9
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary