«Dynama» vyjhrała ŭ hibrałtarskaha «Linkalna» ŭ pieršym matčy Lihi Jeŭropy VIDEA
Hulnia prajšła ŭ Vienhryi, dzie biełaruskija kłuby pravodziać chatnija pajadynki.
Minskaje «Dynama» pieramahło ŭ pieršym matčy 3-ha raŭndu kvalifikacyi Lihi Jeŭropy hibrałtarski «Linkaln Red Imps» ź likam 2:0.
Na 36-j chvilinie zabiŭ Alaksiej Haŭryłovič, a na 87-j vyznačyŭsia brazilski lehijanier biełaruskaha kłuba Piedru — 2:0.
Pajadynak u adkaz projdzie ŭ nastupny čaćvier u Hibrałtary.
Pieramožca pary zhulaje ŭ płej-of kvalifikacyi Lihi Jeŭropy ź bielhijskim «Anderlechtam».
Kamanda, što prajhraje, vylecić u płej-of kvalifikacyi Lihi kanfierencyi, dzie zhulaje ź pieramožcam pary «Bałkani» (Kosava) — «Łarn» (Paŭnočnaja Irłandyja).
Kali «Dynama» projdzie «Linkaln», to harantuje sabie jak minimum asnoŭny raŭnd Lihi kanfierencyj (u vypadku navat parazy ad «Anderlechta»).
Apošni raz u hrupavym raŭndzie jeŭrakubkaŭ biełaruskija kłuby hulali ŭ siezonie 2018-2019 (BATE, Liha Jeŭropy).
Astatnija biełaruskija kłuby («Tarpieda-BiełAZ», «Isłač» i «Nioman») vylecieli ŭ hetym siezonie ź jeŭrakubkaŭ.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj5
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1414
Kamientary