Biełarusy pajechali ŭ Hruziju na aŭtobusie i prastajali na rasijska-hruzinskaj miažy 24 hadziny
Biełaruskija turysty pajechali ŭ aŭtobusny tur na mora ŭ Kabuleci (Hruzija), ale zachraśli na rasijska-hruzinskaj miažy ažno na sutki. «Turysty z RB — hieroi» — padpisaŭ svajo videa ŭ tyktoku ich hruzinski hid.
Z ulikam prablem ź vizami i čerhami na miažy Biełarusi ź Jeŭrasajuzam usio bolš biełarusaŭ vybirajuć u jakaści tannaha adpačynku na mory Hruziju. Ceny sapraŭdy pryjemna ŭražvajuć: naprykład, na kaniec žniŭnia možna znajści prapanovy ź Minska ŭ Kabuleci (9 načej adpačynku na mory, a potym jašče ekskursii) za 400 dalaraŭ na čałavieka.
Dla paraŭnańnia: tolki kvitok u adzin bok na samalot sa stalicy Biełarusi ŭ kurortny Batumi na 19 vieraśnia (raniej niama) kaštuje 1112 rubloŭ (prykładna 350 dalaraŭ).
Ale ž, jak vyśvietliłasia, składanaści na miažy mohuć uźniknuć i kali jedzieš na aŭtobusie praz rasijska-hruzinskuju miažu. Hid pa Hruzii vykłaŭ u tyktoku rolik ź biełaruskimi turystami, jakim nie pašancavała jechać praź miažu ŭ Vierchnim Łarsie sutki.
— Vy dla mianie ŭsie hieroi, — kaža mužčyna na videa. — Vy 24 hadziny prastajali na miažy, jechali siudy troje sutak (siońnia ŭžo čaćviorty dzień, atrymlivajecca). Vy supierskija, ja hanarusia vami.
Videa nabrała kala 55 tysiač prahladaŭ. U kamientaryjach źjaviłasia žančyna, jakaja jechała ŭ tym samym aŭtobusie. Jana napisała, što stamilisia jany mocna, ale ciapier usio kłas.
Byli i tyja, kamu taksama «pašancavała», ale ž aptymizmu zachavałasia mienš. «My stolki ž prastajali z 7 pa 8 lipienia. Zhubili dzień adpačynku. Heta žudasna, nie varta taho», — napisała adna z kamientatarak.
Jašče niekatoryja kamientatary pačali aburacca nakont taho, chto ž pavinien apłačvać hety samy «zhubiŭšysia» dzień doŭhačakanaha adpačynku na mory.
A vopytnyja amatary takoha adpačynku padzialilisia svaimi łajfchakami: «Biarycie mačahonnaje, prymajcie pierad tranzitnym načleham, vielmi aciakajuć nohi. Starajciesia bolš ruchacca, na ŭsich prypynkach starajciesia bolš chadzić. Daroha realna ciažkaja, ale lepiej, čym na pracy».
Butelka praseka ŭ restaranie — 210 dalaraŭ. Viadučaja BT raspaviała pra košt adpačynku ŭ Katary
«Nie apisać žachu, jaki ja pieražyła ŭ aeraporcie». Biełarusy raskazali, jak važna byvaje zahladać va ŭłasny pašpart
Najbahaciejšaja žančyna Rasii pryjechała na adpačynak u Biełaruś
Bolš za sutki pakut: jak biełarusy prachodziać polskuju miažu
Ciapier čytajuć
U Mahilovie złavili mańjaka-lifciora, jaki ŭ 1990‑ia zhvałtavaŭ i zabiŭ vosiem dziaŭčat8
U Mahilovie złavili mańjaka-lifciora, jaki ŭ 1990‑ia zhvałtavaŭ i zabiŭ vosiem dziaŭčat
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju1919
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju19
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie1212
Kamientary