Hramadstva1010

Siarhieju Cichanoŭskamu 46. Heta jaho piaty dzień narodzinaŭ u niavoli

Užo bolš za hod pra palitviaźnia niama navin.

Siarhiej Cichanoŭski ŭ 2020-m staŭ papularnym, dziakujučy svajmu jutub-błohu, dzie jon aśviatlaŭ sacyjalnyja prablemy i davaŭ mahčymaść vykazacca prostym ludziam. Jon źbiraŭsia udzielničać u vybarach, ale 29 maja 2020 hoda byŭ zatrymany na pikiecie ŭ Hrodnie. Paśla hetaha jaho ŭžo nie vypuścili.

Prysud Cichanoŭskamu vynieśli 14 śniežnia 2021 hoda — 18 hadoŭ kałonii ŭzmocnienaha režymu.

A 27 lutaha 2023 hoda błohieru nakinuli jašče paŭtara hoda źniavoleńnia pa artykule ab niepadparadkavańni patrabavańniam administracyi kałonii (č.2 art. 411).

Ciapier jon u žodzinskaj turmie.

Śviatłana Cichanoŭskaja, jakaja ŭ 2020-m pajšła na vybary zamiest muža, zapisała zvarot z nahody jaho dnia narodzinaŭ.

«Moj Siarhiej,

Siońnia ŭ ciabie dzień narodzinaŭ. Piaty dzień narodzinaŭ, jaki ty sustrakaješ udalečyni ad nas. Ale ja chaču, kab ty viedaŭ, jak mocna my sumujem pa tabie.

Karnieju i Ahnii vielmi nie chapaje ciabie. Karniej za hety čas vielmi vyras — dapamahaje mnie va ŭsim, imkniecca być mocnym. Ale ja baču, jak ciažka jamu bieź ciabie. Niadaŭna jon napisaŭ sačynieńnie ŭ škole pra svajho samaha vialikaha hieroja — pra ciabie, jaho baćku, jaki navučyŭ jaho być sumlennym i advažnym. U kancy jon apisaŭ vašu sustreču, jakuju tak čakaje i tak maryć prosta ciabie abniać.

Z Ahnijaj kožny viečar pierad snom my razmaŭlajem pra ciabie, jaje lubimym tatačku. Redka takija hutarki abychodziacca bieź śloz. Jana maluje ciabie na malunkach, zaŭsiody z uśmieškaj, zaŭsiody pobač z nami. A jašče na kožnym malunku jana piša: «Tata, ja vielmi ciabie lublu. Vielmi pa tabie sumuju». A ŭ kožnym liście pytańnie «Tata, čamu ty mnie nie pišaš?»

Mianie časta pytajucca: «Adkul u vas stolki sił na pracu i hetuju baraćbu?». Ale kožny raz ja ściskaju ŭ rukach tečku z tvaim partretam i paŭtaraju, što heta nie maja siła, a tvaja. Mienavita tvaje siła i stojkaść dapamahajuć mnie praciahvać zmahacca za ciabie i za ŭsich našych hierojaŭ… Niahledziačy na adsutnaść navin pra ciabie bolš za hod, ja viedaju, što ty nie apuściŭ ruki, nie zdaŭsia.

Siarhiej, ja vieru: chutka nadydzie dzień, kali my znoŭ budziem razam, kali ja zmahu abniać ciabie i skazać: «heta skončyłasia, ty pobač z nami». Kožny dzień bieź ciabie — heta novy vyklik, ale ja vieru, što my spravimsia. My z taboj, i my budziem zmahacca da kanca.

Ź biaskoncaj luboŭju,

Śvieta».

Kamientary10

  • Fero
    18.08.2024
    Žiełaju osvoboždienija etomu čiełovieku. No prizyvaju biełarusov nie diełať iz nieho idoła. On był lubitielem Putina, Popov i obskoho mira. Motivami jeho diejstvij mohli byť prosto dieńhi.
  • Dola
    18.08.2024
    vo vriemia toj priezidientskoj kompanii nie mnohije znali o tom kak lubit Tichanovskij Putina i riuzkich mir. Tiepieŕ znajut. Tak čto vidiš jeho kak voždia vozmožno tolko ty i niebolšaja hruppa takich žie ślepych. A po čiełoviečieski da, Tichanovskij dołžien byť na svobole
  • creck_55
    18.08.2024
    Kriepitieś.........
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Łukašenka pachvaliŭsia, što jamu na dzień naradžeńnia padaryli ŭsiudychod4

Łukašenka pachvaliŭsia, što jamu na dzień naradžeńnia padaryli ŭsiudychod

Usie naviny →
Usie naviny

Tramp zajaviŭ, što hatovy adstupić ad pieramovaŭ pamiž Ukrainaj i RF, kali nie budzie prahresu11

U MARH pryznalisia, što prablemy z cybulaj dla ich nie niečakanyja4

Zialenski paśla razmovy z Trampam: Vyvodzić našy vojski z našych terytoryj nichto nie budzie4

Kamu Łukašenka apošnim časam daviaraje svaju achovu?7

Vy — pracaholik i časta pierapracoŭvajecie? Navukoŭcy vyśvietlili, jak heta źmianiaje mozh6

Tramp pra vyniki razmovy z Pucinym: Pieramovy pamiž Rasijaj i Ukrainaj pačnucca nieadkładna17

«Pšepšyk». Heta realny teh, pad jakim prapahanda piša pra vybary ŭ Polščy i raspalvaje niedavier da ich vynikaŭ8

Pucin paviedamiŭ, pra što havaryŭ z Trampam8

Siostry Hruździevy zachacieli rabić prahramu pra palityku, ale spałochalisia cenzury5

bolš čytanych navin
bolš łajkanych navin

Łukašenka pachvaliŭsia, što jamu na dzień naradžeńnia padaryli ŭsiudychod4

Łukašenka pachvaliŭsia, što jamu na dzień naradžeńnia padaryli ŭsiudychod

Hałoŭnaje
Usie naviny →

Zaŭvaha:

 

 

 

 

Zakryć Paviedamić