Syrski: Rasija pierakinuła na kurski kirunak 30 tysiač vajskoŭcaŭ z Ukrainy
Uzbrojenyja siły Ukrainy kantralujuć 1294 kvadratnyja kiłamietry ŭ Kurskaj vobłaści, uziaŭšy pad kantrol 100 nasielenych punktaŭ rehijonu, zajaviŭ hałoŭnakamandujučy USU Alaksandr Syrski, piša RBK-Ukraina.
Pa słovach hałoŭnakamandujučaha, ukrainskija vajskoŭcy praciahvajuć prasoŭvacca napierad. Na siońniašni dzień padčas apieracyj u Kurskaj vobłaści jany, śćviardžaje Syrski, uziali ŭ pałon 594 rasiejskich vajskoŭcaŭ.
Pavodle jaho słoŭ, Uzbrojenyja siły Ukrainy kantralujuć 1294 kvadratnyja kiłamietry ŭ Kurskaj vobłaści, uziaŭšy pad kantrol 100 nasielenych punktaŭ rehijonu.
«Kurskaja apieracyja adciahnuła značnuju kolkaść vajskoŭcaŭ [RF]. Na ciapierašni momant my možam kanstatavać, što kala 30 tysiač vajskoŭcaŭ užo pierakinuta na Kurski kirunak, i hetaja ličba raście», — zajaviŭ hałoŭnakamandujučy USU.
Syrski pryznaŭ, što adnoj z zadač praviadzieńnia nastupalnaj apieracyi na kurskim napramku było adciahnieńnie značnych sił Rasii ź inšych napramkaŭ, pierš za ŭsio z pakroŭskaha i kurachaŭskaha.
«Viadoma, vorah heta razumieje, tamu jon praciahvaje kancentravać asnoŭnyja namahańni na pakroŭskim kirunku, dzie skancentravanyja jaho najbolš bajazdolnyja častki», — adznačyŭ hałoŭnakamandujučy Uzbrojenych Sił Ukrainy.
-
U Čarnaŭcach padčas uskryćcia cieła vajskoŭca, pieradadzienaha ŭ ramkach abmienu z RF, vyjavili hranatu
-
Źjavilisia spadarožnikavyja zdymki z nastupstvami ŭdaru rakiet pa branskim zavodzie mikraelektroniki — jon razburany
-
Rasijskija vajenkary zajaŭlajuć, što straty dasiahnuli nieprymalnaha ŭzroŭniu. «Čakaje nas remiejk vosieni 2022 hoda»
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!2
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary