«Daviali pazicyju». Ursuła fon der Lajen napisała Cichanoŭskaj list pa spravie Andreja Hniota
Prezidentka Jeŭrapiejskaj kamisii Ursuła fon der Lajen nakiravała list Śviatłanie Cichanoŭskaj, u jakim paćvierdziła, što Jeŭrakamisija trymaje na kantroli spravu biełaruskaha režysiora, aktyvista i žurnalista Andreja Hniota, jakomu pahražaje departacyja ź Sierbii ŭ Biełaruś.
«Jeŭrapiejskaja kamisija znachodzicca ŭ niepasrednym kantakcie ź sierbskim bokam. U pryvatnaści, delehacyja Jeŭrasajuza ŭ Białhradzie prysutničała na sudovym słuchańni — i adrazu źviazałasia z uładami paśla vyniasieńnia rašeńnia Vysokaha suda.
My daviali kiraŭnictvu krainy pazicyju ŭ dačynieńni da spravy spadara Hniota i akreślili našyja čakańni. Sprava Andreja Hniota pavinna razhladacca ŭ adpaviednaści ź mižnarodnymi zakonami ŭ halinie pravoŭ čałavieka i standartami Jeŭrasajuza», — adznačyła ŭ liście Ursuła fon der Lajen.
Akramia taho, jana asobna padkreśliła, što krainy Jeŭrasajuza nieadnarazova davodzili da sierbskich uładaŭ nastupnaje:
- ordar na aryšt spadara Hniota byŭ palityčna matyvavanym;
- u vypadku ekstradycyi na radzimu biełarus sutykniecca z represijami.
Raniej sierbski sud pastanaviŭ ekstradziravać režysiora Andreja Hniota ŭ Biełaruś. Biełarus sprabuje damahčysia admieny hetaha rašeńnia.
Ciapier čytajuć
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie1212
Kamientary