Pra śmiarotnuju panažoŭščynu ŭ dvary adnaho sa šmatpaviarchovikaŭ na vulicy Fabryčnaj u mikrarajonie Tekstylnym paviedamiŭ čytač vydańnia Bar24. Pavodle jaho słoŭ, kanflikt, jaki pryvioŭ da hibieli čałavieka, z akna svajoj kvatery vypadkova ŭbačyła jahonaja svajačka.
Pa słovach žančyny, uviečary 2 vieraśnia ŭ jaje pad voknami pamiž dvuma na vyhlad niećviarozymi mužčynami razhareŭsia kanflikt. U niejki momant łajanka pierarasła ŭ panažoŭščynu: adzin z mužčyn atrymaŭ niekalki ŭdaraŭ nažom i ŭpaŭ na ziamlu.
«U nas u dvary zabili čałavieka. Adzin adnamu nažom, i ŭciok», — raskazała haradžanka.
Pavodle jaje słoŭ, atrymaŭšy ŭdar nažom, mužčyna tolki paśpieŭ prakryčać, kab jamu vyklikali chutkuju.
«Papiarednie ŭstanoŭlena, što ŭviečary 2 vieraśnia ŭ adnym z dvaroŭ na vulicy Fabryčnaj adbyłosia zabojstva. Adzin mužčyna pryčyniŭ inšamu nažavoje ranieńnie, ad jakoha paciarpieły pamior na miescy złačynstva», -— paćvierdziŭ aficyjny pradstaŭnik upraŭleńnia Śledčaha kamiteta pa Bresckaj vobłaści Raman Zarmajeŭ.
U dačynieńni da padazravanaha Baranavickim mižrajonnym adździełam Śledčaha kamiteta raspačataja kryminalnaja sprava pavodle č. 1 art. 139 Kryminalnaha kodeksa (Zabojstva).
Ciapier čytajuć
Minsk u sieradu viečaram pahruziŭsia ŭ ciemru. Paśla zahadu Łukašenki51
Minsk u sieradu viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary