Va ŭzroście 89 hadoŭ na vyśpie Vialiki Kajman, što ŭ Karybskim mory, 14 lutaha pamior viadomy brytanski aŭtar detektyvaŭ Dzik Frensis.
Pavodle słovaŭ pradstaŭnika Frensisa, piśmieńnik nie pakutavaŭ ad jakoj‑niebudź peŭnaj chvaroby — u apošnija hady jon prosta słabieŭ, piša Telegraph.
Dzik Frensis (sapr. Ryčard Stenli «Dzik» Frensis) naradziŭsia 31 kastryčnika 1920 h. u Łoŭreni (Paŭdniovy Uels). Pačaŭ svaju karjeru jak žakiej, padčas Druhoj suśvietnaj — vajenny lotčyk.
Pa vajnie Frensis viarnuŭsia ŭ konny sport, nieadnarazova vyjhravaŭ čempijanat krainy. Budučy žakiejem, jon vyjhraŭ bolš za 350 skačak.
Potym pracavaŭ spartovym žurnalistam u «Sandzi Ekspres»,
a debiutavaŭ jak piśmieńnik u 1957 h. ramanam «Sport karalevaŭ».
Napisaŭ 42 ramany, tak ci inakš źviazanych z temaj konnaha sportu. U pryvatnaści, heta najbolš viadomy na postsavieckaj prastory «Favaryt», «Apošni barjer», «Hulnia pa praviłach», «Papiaredni zajezd» dy inš.
Kamientary