Łukašenka: Vybary vybarami, my ich pravodzili nie adnojčy. I hetyja praviadziem
Nastupnyja prezidenckija vybary pavinny zaviaršyć farmiravańnie abnoŭlenaj palityčnaj sistemy krainy. Ab hetym Alaksandr Łukašenka zajaviŭ 10 vieraśnia na naradzie ab aktualnych unutrypalityčnych pytańniach i padrychtoŭcy da praviadzieńnia palityčnych kampanij, pieradaje BiełTA.
U naradzie pryniali ŭdzieł kiraŭniki pałat parłamienta, kiraŭnik Administracyi, dziaržsakratar Rady biaśpieki, staršyni CVK i KDB.
«Hetyja vybary pavinny zaviaršyć farmiravańnie abnoŭlenaj palityčnaj sistemy našaj dziaržavy», — skazaŭ Alaksandr Łukašenka. U hetym płanie, pavodle jaho słoŭ, šmat užo zroblena. Naprykład, u palityčnaj sistemie krainy ŭ novym kanstytucyjnym statusie zapracavaŭ Usiebiełaruski narodny schod, vyznačany asnoŭnyja padychody da jaho dziejnaści. «Ale niamała treba budzie zrabić da prezidenckich vybaraŭ i ŭ prezidenckija vybary», — źviarnuŭ uvahu Łukašenka.
Samaje hałoŭnaje, pa jaho słovach, — heta padrychtoŭka da budučaj novaj piacihodki: «Vybary vybarami, my ich pravodzili nie adnojčy. I hetyja praviadziem. Ale treba rychtavacca pa-sapraŭdnamu da nastupnaj piacihodki. Z 2026 hoda pačynajecca novaja piacihodka. Tamu my pavinny (ja tak miarkuju) u pačatku nastupnaha hoda pravieści čarhovy Usiebiełaruski narodny schod. My pavinny pradstavić ludziam stratehiju na piacihodku i vyznačyć asnoŭnyja kirunki našaha raźvićcia».
Ciapier čytajuć
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča17
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary