U Niamieččynie znajšli skradzieny traktar «Biełarus». Złodziei pierafarbavali jaho — novy koler pryvioŭ haspadaroŭ u šalenstva
U Hiermanii znajšli skradzieny ŭ žniŭni stary traktar «Biełarus» z pres-padborščykam. Złodziei paśpieli pierafarbavać jaho, akramia taho, z kabiny źnik bartavy kampjutar, piša «Biełaruś i mir».
Biełaruskuju sielhasmašynu časoŭ HDR z amierykanskim naviasnym abstalavańniem vyjavili dziakujučy navodcy hramadzianina ŭsiaho za 10 kiłamietraŭ ad miesca złačynstva, paviedamlaje nordkurier.de, jaki sačyŭ za historyjaj.
Na tym ža ŭčastku byli znojdzieny jašče niekalki vykradzienych transpartnych srodkaŭ, u tym liku kołavy pahruzčyk i roznaje abstalavańnie.
Chto mienavita złodziej, palicyja pakul nie paviedamlaje, rasśledavańnie pa spravie jašče praciahvajecca.
Syn paciarpiełaha fiermiera Matyjas Šciurcebiechier dva tydni čakaŭ viartańnia skradzienaj techniki. Ale zaraz, kali jaje adšukali, jon nie moža być całkam ščaślivym.
«Nievierahodna — pafarbavali aryhinalny čyrvony «Biełarus» u zialony. Sini byŭ by ŭ paradku rečaŭ, ale zialony? Zusim nie toje! Viedaju adno: jon abaviazkova znoŭ stanie čyrvonym», — kaža Matyjas.
Adnak samaje hałoŭnaje — adsutnaść nievialikaha bartavoha kampjutara, pry dapamozie jakoha kiravaŭsia pres-padborščyk. Jon rehulavaŭ, naprykład, pamier ciukoŭ i kolkaść abmotki.
«Kali kampjutar nie znojduć — padborščyk budzie bieskarysnym. Kali pašancuje, pryładu možna kupić. U advarotnym vypadku spatrebicca novy padborščyk», — tłumačyć Šciurcebiechier.
Miž tym siezonnaja praca, jakuju musiŭ vykanać «Biełarus», usio jašče čakaje. Abydziecca jaje apłata ŭ sumu až 5 tysiač jeŭra.
Nahadajem, sielhasmašyna z naviasnym abstalavańniem źnikła ŭ noč z 15 na 16 žniŭnia. Technika časoŭ HDR była pakinuta na noč pad drevami. Jaje košt aceńvajecca ŭ 10 tysiač jeŭra.
Stała viadoma, dzie pracuje favarytka Łukašenki Uładlena Zajcava19
Kamientary
No raz vy takije, to i čitať vas bolšie nie stanu.