U centry Minska zatrymali hołaha biehuna, jaki ŭdzielničaŭ u treš-čelendžy Miełstroja
U Minsku milicyja zatrymała 27‑hadovaha mužčynu, jaki hołym prabiehsia pa Niamizie. Suprać chłopca zaviali kryminałku, ź im zapisali «pakajannaje videa».
Mužčyna rastłumačyŭ, što źniaŭ adzieńnie, prabiehsia i «kryčaŭ nik błohiera», sprabujučy vykanać umovy konkursu. Jon prynios prabačeńni «hramadstvu i ŭsim, chto bačyŭ» jahony ŭčynak.
Hety «pierformans» staŭ častkaj čelendža, abvieščanaha treš-błohieram Miełstrojem (Andrejem Burymam, uradžencam Homiela). Jon paabiacaŭ kupić kvatery pieramožcam konkursu, umovaj jakoha źjaŭlajecca rekłama jaho kanała ŭ treš-stylistycy, jakaja nabiare nie mienš za miljon prahladaŭ.
Siłaviki masava zatrymlivajuć udzielnikaŭ konkursu homielskaha treš-błohiera, ich dziejańni kvalifikujucca jak chulihanstva, niesankcyjanavanyja masavyja mierapryjemstvy ci navat paškodžańnie majomaści.
Kamientary
[Zredahavana]