Most u Drezdenie abrynuŭsia praz srodki dla pasypki daroh časoŭ HDR, piša Bild.
Napiaredadni ŭ stalicy Saksonii abrynuŭsia most, ciažkija bietonnyja siehmienty pierakryli Elbu. Jak paviedamiŭ kiraŭnik upraŭleńnia mastoŭ i inžyniernych kanstrukcyj Drezdena Cholhier Kalbe, najbolš imaviernaja pryčyna — procihałalodny rastvor chłarydu mahniju, jaki vykarystoŭvali dla pasypańnia daroh zimoj u časy HDR. Z-za ahresiŭnaha chimikatu bietonny most praržavieŭ znutry.
«U časy HDR u nas tut byŭ bujny ŭkid chłarydaŭ. Chłarydy masava pranikli ŭ kanstrukcyju i pryviali da karozii armatury ŭnutry mosta. <..> Niemahčyma było pradbačyć, što stan mosta apyniecca nastolki drennym, što jon abryniecca», — skazaŭ Kalbe.
Most Karoły byŭ pabudavany ŭ 1892 hodzie i nazvany ŭ honar Karoły fon Vasa-Halštejn-Hotarp, žonki karala Saksonii Albierta. Toj most całkam razburyli ŭ časie Druhoj suśvietnaj vajny. Pieraprava praz Elbu była adnoŭlena ŭ 1971 hodzie.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»31
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary