«Jeździli-jeździli, a potym ich nie vypuścili». Biełarusy sutykajucca ź jašče adnym vidam represijaŭ
Siłaviki znajšli čarhovy sposab represavać biełarusaŭ. Akramia taho, što vas mohuć zatrymać na miažy pa viartańni ź JEZ, mohuć jašče i spakojna puścić u Biełaruś, a potym zrabić nievyjaznym i represavać. Pra heta Biełsatu paviedamlaje čałaviek, jaki sam apynuŭsia ŭ takoj situacyi. Viadoma minimum pra 10 nievyjaznych štomiesiac.
Z metaŭ biaśpieki krynica nie choča publikavać padrabiaznaściaŭ historyi, ale pakarańnia ŭ Biełarusi paźbiehčy ŭdałosia. Pradstaŭnik «Bajsoł» u razmovie z «Biełsatam» skazaŭ, što viedaje mienavita pra hety vypadak. Bolš za toje, takija historyi zdarajucca rehularna.
«Da nas dachodzić daloka nie ŭsia infarmacyja, ale toje, pra što my viedajem, — heta davoli vialikija ličby. Na miesiac možam daviedvacca pra da 10 čałaviek, jakija jeździli-jeździli, a potym ich nie vypuścili», — kaža pradstaŭnik słužby evakuacyi «BYSOL» Fiodar.
Surazmoŭca adznačaje: «BYSOL» užo bolš za hod rehularna čuje pra historyi, kali čałaviek nie žyŭ u Biełarusi, ale časta pryjazdžaŭ biez prablemaŭ i ŭ peŭny momant nie zdoleŭ vyjechać praz aficyjnuju zabaronu. Hetak adbyvajecca praz asablivaści pracy sistemy siłavikoŭ.
«Majecca na ŭvazie, što čałaviek prajazdžaje miažu i vyśviečvajecca ŭ bazach kožny raz. U toj ža čas u apieratyŭnikaŭ viaducca kryminalnyja spravy na šmat tysiač asobaŭ adnačasova ŭ spravie tych ža pratestaŭ. I ŭ peŭny momant supadaje, što dachodzić čarha da kankretnaha čałavieka — i jon vyśviečvajecca ŭ bazach, kali minaje miažu. Tady čałaviek traplaje ŭ śpis nievyjaznych», — tłumačyć Fiodar.
Jość jašče adzin scenar, kali čałaviek užo byŭ u śpisie nievyjaznych. U hetym vypadku taksama možna ŭjechać u Biełaruś biez prablemaŭ.
«Kali jon byŭ u vyšuku, jaho b adrazu zatrymali. Zabarona na vyjezd aznačaje, što čałaviek umoŭna volny: u miežach Biełarusi.
Siarod kiejsaŭ najčaściej z zabaronaju na vyjezd sutykajucca asoby, jakija brali ŭdzieł u akcyjach pratestu, i maładziony pryzyŭnoha vieku», — praciahvaje jon
Hałoŭnaja parada i pryncypovaja pazicyja «Bajsoł» — lepiej nie jeździć u Biełaruś, kali vam moža pahražać niebiaśpieka ci jość padazreńni na hety kont.
Pravieryć, abmiežavany vam vyjezd ci nie, možna na sajcie MUS.
«Ale heta možna zrabić tolki z terytoryi Biełarusi abo virtualna z terytoryi Biełarusi, to bok praź biełaruski IP [možna vykarystać VPN. — Zaŭv. red.]. I, naturalna, kali vyjezd abmiežavany, to jechać prosta zabaroniena, — kaža Fiodar. — Pa-druhoje, kali my razumiejem, što brali ŭdzieł u niejkich akcyjach, dzie mahli zaśviacicca, ci heta byli viadomyja akcyi, pavodle jakich iduć kryminalnyja spravy, to taksama nie treba jechać».
Niekatoryja biełarusy sprabujuć pajechać dadomu praz Rasieju. Heta trochi pavialičvaje šancy na pośpiech, ale nie dapamahaje, adznačaje surazmoŭca.
«Varta jak maha bolš spravaŭ u Biełarusi rabić dystancyjna. Kali čałaviek usio ž pastanaŭlaje jechać u Biełaruś, to treba ŭśviedamlać, što jon moža sieści za kraty, i jechać z hetym uśviedamleńniem i padrychtavanaściu. Padrychtavacca — napisać usie mahčymyja davieranaści praz nataryusa, zrabić blizkich suŭładalnikami majomaści i hetak dalej.
Kali ŭsio ž čałaviek, majučy ŭśviedamleńnie niebiaśpieki, jedzie dziela jakoj-niebudź spravy, tady prynamsi treba namahacca zrabić hetuju spravu jak maha chutčej — za dzień — i pasprabavać vyjechać praz Rasieju.
Kali čałaviek usio ž pajechaŭ i trapiŭ u situacyju, kali nie moža vyjechać, treba sabrać jak maha bolš dokazaŭ, što jon represavany z palityčnych matyvaŭ, i z hetymi dokazami źviartacca ŭ «Bajsoł», — reziumuje pradstaŭnik słužby evakuacyi.
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary