Rasijskija vajskoŭcy zasiekli miačom ukrainskaha pałonnaha i źniali na videa
U achviary byli źviazanyja ruki, a na miačy nadpis «Za Kursk».
Zdymak akryvaŭlenaha cieła mužčyny ŭ formie ŭkrainskich uzbrojenych siłaŭ z uvatknutym miačom raźlacieŭsia ŭ sacyjalnych sietkach.
Jak paźniej vyśvietliłasia, varvarskaje zabojstva adbyłosia ŭ Navahrodaŭcy ŭ Pakroŭskim rajonie Danieckaj vobłaści. Na miačy vidać nadpis «Za Kursk». Ruki achviary byli zamatanyja skotčam.
Łokacija: Novohrodovka, Donieckaja obł. https://t.co/P9v5sWqsjF
Upaŭnavažany pa pravach čałavieka Ukrainy Dźmitryj Łubiniec padkreśliŭ, što takija dziejańni źjaŭlajucca hrubym parušeńniem Ženieŭskaj kanviencyi ab abychodžańni z vajennapałonnymi.
Ambudsmien zapeŭniŭ, što nakiravaŭ listy ŭ Mižnarodny kamitet Čyrvonaha kryža i AAN, kab jany zafiksavali čarhovaje parušeńnie pravoŭ čałavieka z boku Rasii.
Łubiniec zaŭvažyŭ, što takija pakazalnyja pakarańni śmierciu nakiravanyja na demaralizacyju ŭkrainskaha hramadstva. «Adnak, bačačy takija dziejańni, my pavinny stanavicca jašče bolš rašučymi ŭ baraćbie suprać ahresara», — dadaŭ abmudsmien.
U siecivie źjaviłasia žachlivaje fota ŭkrainskaha vajskoŭca, mierkavana zakatavanaha rasijanami
Hienprakuratura Ukrainy paviedamiła pra abiezhałoŭlivańnie ŭkrainskich pałonnych rasijskimi vajskoŭcami
Rasiejskaje vojska za 10 km ad Pakroŭska, zaniało Navahrodaŭku, a USU praciahvajuć nastupać u Kurskaj vobłaści
Kamientary