Pra hibiel dvuch achoŭnikaŭ kampanii Wildberries padčas sproby ŭzbrojenaha zachopu ofisa paviedamiŭ rasijski Śledčy kamitet. Akramia taho, 7 čałaviek paranienyja, uklučajučy dvuch supracoŭnikaŭ palicyi.
Śledčy kamitet zavioŭ kryminalnuju spravu pa artykułach: «Zabojstva», «Zamach na zabojstva», «Niezakonnaje zachoŭvańnie ahniastrelnaj zbroi», «Samaŭpraŭstva» i «Zamach na žyćcio supracoŭnika pravaachoŭnych orhanaŭ».
Stralanina ŭ ofisie Wildberries adbyłasia dniom 18 vieraśnia. U kampanii zajavili, što na ofis napali ludzi z atačeńnia Uładzisłava Bakalčuka — muža ŭładalnicy kampanii Taćciany Bakalčuk. U kanflikcie, jak vyśvietliła «Ahienctva», udzielničaŭ były bajec čačenskaha kłuba «Achmat» Umar Čyčajeŭ, jaki maje ahulnyja fatahrafii z Ramzanam Kadyravym.
Zahinułyja achoŭniki Wildberries — taksama z Kaŭkaza, ich zvali Isłam Elmurzijeŭ i Adam Ałmazaŭ. Paśla vyśvietliłasia, što jany ŭradžency Inhušecii.
Palicyja paśla incydentu zatrymała ahułam kala 30 ŭdzielnikaŭ kanfliktu, paviedamlajuć infarmacyjnyja ahienctvy. Siarod ich taksama i Uładzisłaŭ Bakalčuk.
Sam Uładzisłaŭ Bakalčuk śćviardžaje, što nibyta pryjechaŭ u ofis dla pieramoŭ, ale «byŭ atakavany słužbaj achovy i nieviadomymi ludźmi, jakija spravakavali ŭzbrojeny kanflikt». Taćciana Bakalčuk u svaju čarhu nazvała dziejańni atačeńnia muža niaŭdałaj sprobaj rejdarskaha zachopu kampanii.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu99
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu9
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary
😏