Dva padletki z rasijskaha horada Omska, što ŭ Zachodniaj Sibiry, pratačylisia na avijabazu i padpalili viertalot Mi-8. Pra heta pišuć nabližanyja da rasijskich siłavikoŭ telehram-kanały Shot, Baza, 112.
Na apublikavanym videa chłopcy kažuć, što jany byli zatrymanyja za praniknieńnie na terytoryju viertalotnaj placoŭki i padpał viertalota. Školniki zajavili, što padpał jany nibyta ŭčynili na zamovu nieviadomaha, jaki abiacaŭ 20 tysiač dalaraŭ. Adnak hrošy jany tak i nie atrymali, a pierapiska była vydalenaja.
Telehram-kanał Shot piša, što 16-hadovyja školniki pranikli na terytoryju miascovaj avijabazy ŭ noč na 21 vieraśnia i kinuli ŭ viertalot kaktejl Mołatava. Pavodle papiarednich danych, «technika była śpisanaja». Rasijskija kanały taksama śćviardžajuć, što zakazčykami byli «ŭkrainskija kuratary».
Pierad hetym padobny padpał adbyŭsia taksama ŭ aeraporcie horada Najabrska Ciumienskaj vobłaści. U datyčnaści taksama abvinavačvajuć školnikaŭ, jakim nibyta abiacali za pracu 5 miljonaŭ rasijskich rubloŭ.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary