CNN daviedaŭsia, dzie Izrail schavaŭ vybuchoŭku pry miniravańni pejdžaraŭ
Izrail pravioŭ častku ataki na livanskuju «Chiezbału», schavaŭšy vybuchoŭku ŭnutry lityjevych batarej pejdžaraŭ, zaviezienych u Livan, paviedamlaje CNN sa spasyłkaj na dvuch vysokapastaŭlenych supracoŭnikaŭ słužbaŭ biaśpieki hetaj krainy.
Adna z krynic u livanskich siłach biaśpieki paviedamiła, što vybuchovaje rečyva było schavana ŭnutry batarej pejdžaraŭ nastolki składanym sposabam, što jaho niemahčyma było vyjavić. Jakija pravierki pravodzilisia pry imparcie pryład u Livan, jon nie skazaŭ.
Inšaja krynica raspaviała, što jon ahladaŭ adzin z zaminiravanych pejdžaraŭ i staŭ śviedkam jaho kantralavanaha vybuchu. Jon paviedamiŭ, što vybuchovaje rečyva było ŭšyta ŭ lityjevuju batareju pejdžara i jaho było praktyčna niemahčyma vyjavić. Jon dadaŭ, što nikoli nie bačyŭ ničoha takoha.
Pavodle infarmacyi CNN, samarobnaje vybuchovaje prystasavańnie składałasia ź piaci asnoŭnych kampanientaŭ: siłkavańnia, inicyjavalnaha prystasavańnia (jak praviła, miechanizm dla zapusku vybuchovaha impulsu), detanatara, vybuchovaha rečyva i kiejsa, u jaki ŭsio heta źmiaščajecca.
Były aficer brytanskaj armii i ekśpiert pa abiasškodžvańni vybuchovaniebiaśpiečnych pradmietaŭ Šon Murchaus paćvierdziŭ CNN, što madyfikacyja batarei była adnym sa sposabaŭ zrabić pryładu niabačnaj i nievizualizavanaj, naprykład, pry praviercy renthienaŭskimi pramianiami. Atrymać taki vynik mahčyma šlacham ukaranieńnia elektronnaha detanatara i nievialikaha vybuchovaha zarada ŭnutr mietaličnaha korpusa batarej, udakładniŭ jon.
Dostup da pejdžaraŭ atrymaŭ «Masad». Śpiecsłužby źmiaścili ŭ pryłady vybuchovaje rečyva PETN (pientaerytrytejetranitrat), jakoje zdetanavała pry nahravańni akumulataraŭ.
Ciapier čytajuć
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk1
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1616
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu16
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary