27 vieraśnia paliźniavolenuju Nastu Łojku etapavali z homielskaj žanočaj kałonii, paviedamiła «Radyjo Svabodzie» krynica. Nastu etapujuć dla ŭdziełu ŭ sudzie nad aktyvistkami, jakich vinavaciać pavodle niekalkich palityčnych artykułaŭ Kryminalnaha kodeksa.
Pravaabaroncu Nastu Łojku zatrymali ŭ kastryčniku 2022 hoda i asudzili na 7 hadoŭ źniavoleńnia pavodle artykuła 130 KK («Raspalvańnie varožaści»). Krynicy paviedamlali ab prablemach sa zdaroŭjem, jakija źjavilisia ŭ Nasty ŭ viaźnicy.
«U kałonii jana pracuje, časam listujecca z svajakami. Pavodle apošnich źviestak, pačuvajecca narmalna. Niadaŭna mieli infarmacyju, što šmat pieražyvała za los sabaki Eryka, ale ciapier daviedałasia, što jaje lubimy pios žyvy, znachodzicca pad nahladam dobrych ludziej, za jaho možna nie pieražyvać, takim čynam Nasta krychu supakoiłasia», — raskazała krynica pra palitźniavolenuju pravaabaroncu.
Pavodle infarmacyi byłych palitviaźniaŭ, etapavańnie z Homiela ŭ Minsk moža zaniać bolš za tydzień i adbyvajecca ŭ žorstkich umovach. Źviestak pra toje, jak pačuvajecca Nasta Łojka padčas etapavańnia, krynica nie maje.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3838
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii38
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4646
Kamientary