Iosif Paŭłavič Siaredzič — hałoŭny redaktar dvuch znakavych vydańniaŭ niezaležnaj Biełarusi — «Narodnaj haziety», ź jakoj jaho zvolniŭ asabista Łukašenka, i «Narodnaj voli», jakoj Siaredzič kiravaŭ 28 hadoŭ.
Iosif Paŭłavič naradziŭsia 1 kastryčnika 1949 hoda ŭ vioscy Zabaraŭcy Pinskaha rajona.
Skončyŭ Biełaruski dziaržaŭny ŭniviersitet i Akademiju hramadskich navuk pry CK KPSS.
U 1990 hodzie ŭ Biełarusi ŭpieršyniu za savieckija časy adbylisia vybary na alternatyŭnaj asnovie. U Viarchoŭnym Saviet 12 sklikańnia trapiŭ i žurnalist Iosif Siaredzič, jaki tady pracavaŭ u «Sovietskoj Biełoruśsii». Mienavita jon prapanavaŭ stvaryć parłamienckaje vydańnie, jakoje atrymała nazvu «Narodnaja hazieta».
Chutka jano stała samym papularnym vydańniem krainy, a nakład bieź nijakich prymusaŭ dasiahnuŭ kaśmičnych ličbaŭ u 558 tysiač. Čamu? Mienavita ŭ ścienach parłamienta tady vyrašalisia asnoŭnyja pytańni, Viarchoŭny Saviet źjaŭlaŭsia adnym z centraŭ ułady. Da taho ž Siaredzič davaŭ słova ŭsim: na staronkach «Narodnaj» možna było pračytać artykuły i Zianona Paźniaka, i Alaksandra Łukašenki.
U 1995 hodzie apošni źniaŭ Siaredziča z pasady hałoŭnaha redaktara. Padstavaj stała publikacyja lista čytački suprać refierendumu praź źmienu dziaržsimvoliki i statusu dziaržaŭnaj movy. Takoha prava Łukašenka nie mieŭ: pryznačać i zdymać hałoŭnaha redaktara moh tolki parłamient. Paźniej Kanstytucyjny sud pryznaŭ hetaje rašeńnie niezakonnym, ale jaho nichto nie admianiŭ.
«Narodnaja hazieta» zastałasia parłamienckim vydańniem, ale jaje papularnaść paśla zychodu Siaredziča rezka pajšła ŭniz.
Siaredzič zasnavaŭ novaje vydańnie — hazietu «Narodnaja vola».
«Siońnia drukujecca ŭ Minsku, zaŭtra — u Vilni, paślazaŭtra — u Smalensku. Voś jak było», — raskazvaŭ Siaredzič pra składany los haziety.
Iosif Paŭłavič zmoh zachavać pasadu i vydańnie siarod paślavybarčych žorstkich represij da žniŭnia 2023 hoda. 4 žniŭnia jon zajaviŭ, što pakidaje pasadu.
«Siońnia ja zasłužyŭ, kab prosta adpačyć. Ja bolš za 30 hadoŭ nie byŭ u adpačynku. Maksimum atrymlivałasia, kab raźviejacca, — piać dzion», — kazaŭ jon.
Były sajt «Narodnaj voli», jaki Siaredzič pieradaŭ adnamu z supracoŭnikaŭ vydańnia, źmianiŭ tematyku i pierastaŭ abnaŭlacca ŭ kancy 2023 hoda.
Ciapier čytajuć
Miaža Biełarusi ź Litvoj budzie zakryta minimum da sierady11
Kamientary
Narodnaja hazetka była na toj čas hałoŭnym prapahandyskim dziaržabnym listkom, i tolki paźniej padłukašenki źmiaścili akcenty na sb