Kultura66

U sacsietkach uspłyła karcina Białynickaha-Biruli. Nie ŭsie vierać, što akademik moh malavać tak

Vakoł aŭtarstva biełaruskaha piejzažysta razharełasia sprečka.

Piejzaž z podpisam Białynickaha-Biruli. Fota: fejsbuk-supołka «Požałujsta! Ocienitie moj antikvariat.»

U supołcy antykvaryjatu ŭ fejsbuku adzin z udzielnikaŭ vykłaŭ karcinu, jakuju paprasiŭ acanić. Heta viečarovy zimovy piejzaž z račułkaj, mostam i chatkaj pry im. Samo pałatno nievialikaje, pamieram usiaho 40ch30 sm. Jak patłumačyŭ ułaśnik, była jašče rama, ale jaje stan byŭ zanadta drennym i jana pajšła va ŭtyl. Karcinu jon nabyŭ u pačatku 2000-ch za kapiejki razam ź inšymi rečami. 

Na karcinie ŭ levym nižnim vuhłu čyrvonaj farbaj zrobleny podpis aŭtara — Białynicki-Birula. 

Podpisam Białynickaha-Biruli na karcinie. Fota: fejsbuk-supołka «Požałujsta! Ocienitie moj antikvariat.»

Vitold Kaetanavič Białynicki-Birula naradziŭsia ŭ 1872 hodzie ŭ falvarku Krynki niedaloka ad Białyničaŭ. Siamja jaho naležała da drobnaj katalickaj šlachty, jakaja arandavała ziamlu. Niahledziačy na suhučnaść proźvišča z najbližejšym miastečkam, dzie siońnia adkryty muziej u jaho imia, pachodzić jano, nasamreč, ad zusim inšaha pasielišča.

Vučyŭsia ŭ Maskoŭskim vučyliščy žyvapisu, skulptury i dojlidstva ŭ Siarhieja Karovina, Vasilija Palenava i Iłaryjona Pranišnikava, pracavaŭ u majsterni Isaka Levitana. Jak i jaho nastaŭniki, zachapiŭsia piejzažnym žyvapisam. Jahonyja karciny pryciahvali ŭvahu amataraŭ pryhožaha mastactva i atrymlivali miedali na mižnarodnych vystaŭkach. Da revalucyi Białynicki-Birula atrymaŭ stupień akademika žyvapisu, a ŭ saviecki čas razam z Azhuram i Hrube byŭ u liku pieršych udastojeny zvańnia Narodnaha mastaka Biełaruskaj SSR. 

Znakamitaja karcina «Zimovy son», napisanaja mastakom u 1911 hodzie, zavajavała bronzavy miedal na vystaŭcy ŭ Barsiełonie. Siońnia jana ekspanujecca ŭ Nacyjanalnym mastackim muziei Biełarusi

Jahonyja liryčnyja piejzažy niaredka adroźnivajucca minimalistyčnymi srodkami vyraznaści. Ale, jak zaŭvažyli ŭdzielniki supołki antykvaryjatu, adšukanaja karcina z podpisam Białynickaha-Biruli zusim nie padobnaja da maniery vydatnaha žyvapisca, heta tapornaja i brudnaja ŭ płanie napisańnia reč. Niechta byŭ bolš vostry ŭ acency — «kašmarny piejzažyk» i «durnaja maźnia».

Ale sam ułaśnik z tych ža mierkavańniaŭ ličyć, što heta aryhinał Białynickaha-Biruli, bo «na taki strach z metaj nažyvy sapraŭdy nie stali b lapić jahony podpis».

Siońnia karciny Białynickaha-Biruli znachodziacca ŭ mnohich muziejach Biełarusi, Rasii i Ukrainy, ale pieryjadyčna jany traplajucca i na rynku antykvaryjatu. Tak u 2015 hodzie ŭ Sankt-Pieciarburhu pryblizna za $14 tysiač pradavali trochi bolšy pa pamierach piejzaž «Chatka la voziera», napisany mastakom u 1911 hodzie.

«Naša Niva» — bastyjon biełaruščyny

PADTRYMAĆ

Kamientary6

  • CV
    02.10.2024
    Sacyjalistyčny Śviaty, u jakich pałotnach jon śpiavaje pra vielič sesesery?
  • biestałannaja
    02.10.2024
    maźnia krivorukich nieumiek - vot čto takoje vsia živopiś bsssssssr
  • Associacija Chudožnikov Rievolucionnoj Rośsii
    02.10.2024
    Niepravda, niepravda! Biestałannoho my b nie vklučili v svoi riady v 1922-om hodu!
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Były viadučy BT, jaki zvolniŭsia ŭ 2020-m i vyjechaŭ u Słavakiju, raskazaŭ, jak žyvie ciapier2

Były viadučy BT, jaki zvolniŭsia ŭ 2020-m i vyjechaŭ u Słavakiju, raskazaŭ, jak žyvie ciapier

Usie naviny →
Usie naviny

Tamaty ad 3 rubloŭ, ahurki tańniejšyja za bulbu. Što pradajecca na Kamaroŭcy ŭ vychodnyja

Seks-koŭč biełaruskaha pachodžańnia Aleks Łeśli prylacieŭ u Maskvu i nie byŭ zatrymany, niahledziačy na kryminalnuju spravu11

Dziaržaŭnyja kanały niečakana pakazali, jak vyhladajuć rezidencyi Łukašenki znutry. Raniej kamiery tudy nie traplali29

Pakazali trejler ajčynnaj dramy «Kłasnaja»20

Pamior polski architektar biełaruskaha pachodžańnia Michał Bałaš 1

Stała viadoma, suprać jakich pradpryjemstvaŭ uviedzieny 18-y pakiet sankcyj ES17

Daviedalisia, jak spravy ŭ Ryhora Kastusiova — jość dobryja naviny6

Žychar Barysava napisaŭ skarhu ŭ kinaprakat z-za nazvy filma, jakaja ŭviała ŭ zman2

U Polščy ŭ taksi biełarusa na chutkaści ŭrezałasia dziaŭčyna na samakacie i zapatrabavała vialikuju kampiensacyju15

bolš čytanych navin
bolš łajkanych navin

Były viadučy BT, jaki zvolniŭsia ŭ 2020-m i vyjechaŭ u Słavakiju, raskazaŭ, jak žyvie ciapier2

Były viadučy BT, jaki zvolniŭsia ŭ 2020-m i vyjechaŭ u Słavakiju, raskazaŭ, jak žyvie ciapier

Hałoŭnaje
Usie naviny →

Zaŭvaha:

 

 

 

 

Zakryć Paviedamić