57-hadovaha viciebskaha bajkiera buduć sudzić pa palityčnaj kryminałcy za danaty
Načalniku kacielni Viciebskaha masłaekstrakcyjnaha zavoda Uładzimiru Sitkoviču pahražaje da piaci hadoŭ kałonii.
Uładzimiru Sitkoviču 57 hadoŭ. Rodam jon z małoj vioski Pušča Šarkaŭščynskaha rajona Viciebskaj vobłaści. U 1991 hodzie skončyŭ Połacki dziaržaŭny ŭniviersitet. Doŭhi čas Uładzimir pracavaŭ i žyŭ u Viciebsku, a apošnija hady kiravaŭ kacielniaj na Viciebskim masłaekstrakcyjnym zavodzie.
Uładzimir — bajkier, udzielničaŭ u miascovych bajkierskich zajezdach.
U 2016, 2018 i 2019 hadach jon byŭ naziralnikam na miascovych dy parłamienckich vybarach. Pra inšuju palityčnuju aktyŭnaść Uładzimira nieviadoma, sacsietki mužčyny taksama niejtralnyja.
Upieršyniu pra jaho pisali ŭ mai 2024 hoda. Tady jamu dali adny sutki za padpisku na «Krainu dla žyćcia» ŭ tyktoku. Ale, padobna, što na hetym jaho pieraśled nie skončyŭsia.
Uładzimira pačnuć sudzić pa kryminalnaj spravie 14 kastryčnika 2024 hoda. Jaho abvinavačvajuć u «finansavańni ekstremisckaj dziejnaści» (č. 1 art. 361-2 KK). Mužčynie pahražaje da piaci hadoŭ kałonii. Sutnaść abvinavačańniaŭ nieviadomaja.
Sudzić Uładzimira budzie Jaŭhien Burunoŭ. Pieršy raz Burunoŭ udzielničaŭ u palityčnym kryminalnym pracesie jašče ŭ 2011 hodzie, tady sudzili Siarhieja Kavalenku za toje, što jon vyviesiŭ bieł-čyrvona-bieły ściah u Viciebsku. Z 2020-ha Burunoŭ vynies bolš za 20 palityčna matyvavanych kryminalnych prysudaŭ.
«Naša Niva» — bastyjon biełaruščyny
PADTRYMAĆCiapier čytajuć
«Dźvie Biełarusi. Abiedźvie jeduć na aŭtobusach MAZ. Adzin narod — taki rozny los»1
Kamientary