Uspyška virusa Marburh moža pieraraści ŭ novuju pandemiju. Što heta za chvaroba?

Siarod zahinułych — pieravažna miedyki z adździaleńnia intensiŭnaj terapii ŭ stalicy Kihali. Usiaho ŭ krainie paćvierdžana 29 vypadkaŭ zachvorvańnia ŭ siami z 30 abłaściej. Zaraz śmiarotny virus, vierahodna, dabraŭsia da Jeŭropy.

U sieradu niamieckaja fiederalnaja palicyja na niekalki hadzin zakryła Centralny vakzał Hamburha praz dvuch pasažyraŭ ź simptomami virusa.

Adzin z pasažyraŭ, student-miedyk prylacieŭ u Hiermaniju z Ruandy, dzie lačyŭ chvoraha Marburham pacyjenta. U Frankfurcie-na-Majnie jon sieŭ ź siabroŭkaj u ciahnik, jaki nakiroŭvaŭsia ŭ Hamburh. Padčas pajezdki ŭ pary źjavilisia simptomy virusa.

Pa prybyćci ŭ Hamburh ich terminova dastavili ŭ śpiecyjalizavanuju kliniku dla abśledavańnia.

U ciahniku z patencyjalnymi nośbitami virusa znachodziłasia kala 200 pasažyraŭ. Palicyja sabrała ich kantaktnyja źviestki na vypadak karancinu.

Pavodle apošniaj acenki SAAZ, ryzyka hłabalnaha raspaŭsiudžvańnia virusa zastajecca nizkaj, ale na nacyjanalnym i rehijanalnym uzroŭni ryzyki aceńvajucca jak vielmi vysokija.

Što takoje virus Marburh

Heta vysokainfiekcyjnaje zachvorvańnie, padobnaje da lichamanki Eboła.

Siarod simptomaŭ — ciahlicavyja boli, dyjareja, vanity, kryvaciok z nosa i rota. U niekatorych vypadkach vialikaja strata kryvi moža pryvieści da śmierci.

Pavialičyć

Śmiarotny virus pieravažna pieradajecca praź ludziej, jakija doŭhi čas pravodzili ŭ piačorach i šachtach, nasielenych kažanami.

U apošnija hady ŭspyški Marburha nazirali taksama ŭ nastupnych krainach:

• Ekvataryjalnaja Hvinieja
• Hana
• Demakratyčnaja Respublika Konha
• Kienija
• Paŭdniova-Afrykanskaja Respublika
• Uhanda
• Zimbabve

U Anhole ŭspyška 2005 hoda zabrała žyćci bolš za 300 čałaviek.

Adnak u astatnim śviecie za apošnija 40 hadoŭ ad Marburhskaha virusa pamierli tolki dva čałavieki — adzin u Jeŭropie i jašče adzin u ZŠA.

Abodva byli ŭ ekśpiedycyjach u piačorach Uhandy.

Dzie bolš za ŭsio vypadkaŭ Marburha

Uspyšku Marburha ŭ Ruandzie paćvierdzili ŭ kancy vieraśnia 2024 hoda. Heta pieršy vypadak zachvorvańnia ŭ krainie, i krynicu pakul nie znajšli.

Kala 300 čałaviek, jakija kantaktavali ź infikavanymi, znachodziacca pad nahladam daktaroŭ. Niekatoryja ź ich — miedycynskija rabotniki.

SAAZ nakiravała ŭ Ruandu ekśpiertaŭ, nabory dla testavańnia i srodki indyvidualnaj abarony dla padtrymki namahańniaŭ pa baraćbie sa ŭspyškaj.

Jakija simptomy virusa Marburh

Inkubacyjny pieryjad infiekcyi varjirujecca ad 2 da 21 dnia.

Virus pačynajecca raptoŭna i supravadžajecca:

• lichamankaj,
• mocnym hałaŭnym bolem,
• bolami ŭ ciahlicach.

Na treci dzień mohuć źjavicca:

• vadzianistaja dyjareja,
• bol u žyvacie,
• młosnaść,
• vanity.

Pa danych SAAZ, «na hetaj stadyi rysy tvaru chvoraha abvastrajucca, vočy zapadajuć».

Na piaty-siomy dzień raźvivajucca ciažkija hiemarahičnyja simptomy. Pačynajecca kryvaciok z roznych častak cieła, praz vosiem-dzieviać dzion paśla zaražeńnia niekatoryja pacyjenty pamirajuć z-za vialikaj krovastraty i šoku.

Jak pieradajecca virus Marburh

Jaho mohuć pieranosić afrykanskija zialonyja małpy i śvińni.

Pieranosčykami virusa taksama źjaŭlajucca jehipieckija fruktovyja kažany.

Zaražeńnie adbyvajecca pry pramym kantakcie ź bijałahičnymi vadkaściami infikavanych, a taksama praz pavierchni i materyjały, takija jak paścielnaja bializna abo ručniki.

Navat kali čałaviek ačuniaŭ, jaho kroŭ abo śpierma mohuć zastavacca infikavanymi na praciahu mnohich miesiacaŭ.

Jak lačyć Marburh

Vakcyn abo supraćvirusnych preparataŭ, uchvalenych dla lačeńnia virusa Marburh, nie isnuje.

Daktary mohuć tolki palehčyć simptomy, dajučy chvorym šmat vadkaści i vykarystoŭvajučy pieralivańni dla adnaŭleńnia abjomu kryvi.

Jak paviedamlaje SAAZ, ciapier miedyki raspracoŭvajuć šerah preparataŭ z vykarystańniem kryvi, imunałahičnaj i lekavaj terapii.

Jak nie zarazicca virusam

Hłabalny aljans pa vakcynach i imunizacy raić žycharam Afryki nie ŭžyvać miasa dzikich žyvioł i paźbiahać kantaktaŭ ź imi.

SAAZ dadaje, što taksama varta paźbiahać kantaktu sa śvińniami ŭ rajonach uspyški.

Pakolki virusy Marburh i Eboła mohuć zachoŭvacca ŭ śpiermie i pieradavacca pałavym šlacham, SAAZ rekamienduje pacyjentam, jakija pieranieśli infiekcyju, karystacca preziervatyvami, pakul ich śpierma dvojčy nie daść admoŭny vynik na najaŭnaść virusa.

Marburhskaja lichamanka taksama moža pieradavacca padčas pachavalnych cyrymonij, jakija supravadžajucca pramym kantaktam udzielnikaŭ ź ciełam pamierłaha.

• 0
• 0
• 0
• 0
• 6
• 1
• 0
• 0