«Raście popyt na navučańnie pa-biełarusku». Kruty prapanuje abviaścić 2025-ty Hodam biełaruskaj movy
Kiraŭnik administracyi Łukašenki raskazaŭ, što sam da čaćviortaha kłasa vučyŭsia pa-biełarusku.
Dźmitryj Kruty uspomniŭ, što ŭ pačatkovaj škole ŭsie pradmiety ŭ jaho byli na biełaruskaj movie.
Pavodle jaho słoŭ, samyja ciopłyja ŭspaminy źviazanyja mienavita z tym časam — «kali pierapynkaŭ nie čakaŭ, a słuchaŭ z zadavalnieńniem nastaŭnikaŭ», paviedamlaje STB.
«Pieršyja čatyry kłasy ŭ mianie ŭsie pradmiety ŭ škole byli na biełaruskaj movie. Hałoŭnaje ŭražańnie — heta nastaŭniki. Usio ž taki savieckija nastaŭniki, hetaja savieckaja zahartoŭka, popyt… Ja pamiataju, što vielmi chvalujuča zaŭsiody było rychtavacca da ŭrokaŭ. Vykonvali ŭsie zadańni.
Ale kali ja pierajechaŭ užo ŭ rajonnuju škołu, u rajonny centr, to dzieści paŭhoda mnie spatrebiłasia na pryvykańnie da šerahu pradmietaŭ na ruskaj movie», — zhadaŭ Kruty.
Pa jaho słovach, u Biełarusi raście papularnaść navučańnia na biełaruskaj movie.
«Ciapier vialiki zapyt na navučańnie na biełaruskaj movie. My z našym ministram adukacyi abmiarkoŭvajem, moža być, niejak bolš jarka pakazać tyja navučalnyja ŭstanovy, jakija pravodziać navučańnie tolki na biełaruskaj movie», — zajaviŭ Kruty.
Jon taksama adznačyŭ, što jość varyjant abviaścić 2025-ty Hodam biełaruskaj movy. Łukašenka, pavodle Krutoha, jašče dumaje, ale raniej jon adznačaŭ, što ŭsie nastupnyja piać hadoŭ buduć Hadami jakaści.
Adnym z sumnych vynikaŭ 30-hadovaha kiravańnia Łukašenki stała skaračeńnie kolkaści školnikaŭ, jakija vučacca na biełaruskaj movie. U vieraśni 2023 hoda ministr adukacyi Andrej Ivaniec paviedamlaŭ, što ŭ krainie na biełaruskaj vučacca ŭsiaho 10% školnikaŭ. Heta mienš, čym było ŭ kancy isnavańnia SSSR, kali na biełaruskaj vučylisia 22% dziaciej.
U siaredzinie 1990-ch na chvali nacyjanalnaha adradžeńnia hetaja ličba vyrasła da pałovy. Paśla prychodu da ŭłady Łukašenki pačaŭsia novy etap rusifikacyi.
-
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
-
Piedahoha-arhanizatara z Homiela, jakaja raniej uznačalvała vajenna-patryjatyčny kłub, asudzili pa troch palityčnych artykułach
-
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?5
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić77
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić7
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Kamientary
Słovy - heta adno. A spravy - heta zusim inšaje.
Svoj prykład pavinien być.