U «płanie pieramohi» Zialenskaha jość punkt ab niajadziernym strymlivańni. Što heta moža być?
«Strymlivańnie», jakoje apisvaje novy pakiet, maje na ŭvazie, što ŭ vypadku napadu na Ukrainu niehatyŭnyja nastupstvy pavinny pieravysić lubyja patencyjnyja vyhady, piša Bi-bi-si.
Prezident Ukrainy Uładzimir Zialenski pradstaviŭ u Viarchoŭnaj Radzie «płan pieramohi». Adzin z punktaŭ tyčycca niajadziernaha strymlivańnia.
U im prapanujecca raźmiaścić na terytoryi Ukrainy niajadzierny stratehičny pakiet strymlivańnia. Pry hetym u samim dakumiencie źmiest hetaha pakieta nie ŭdakładniajecca — paviedamlajecca, što padrabiaznaści byli nakiravanyja ŭ Vašynhton i lidaram niekalkich jeŭrapiejskich krain.
Toje, što havorka nie idzie pra jadziernuju zbroju, — važnaja detal, tamu što lubuju zhadku jadziernaj zbroi Kijevam vielmi niervova ŭsprymajuć u Maskvie. I takaja zhadka, chutčej za ŭsio, była b razhledžanaja jak padstava dla eskałacyi, piša Bi-bi-si.
Słova «strymlivańnie», jakoje apisvaje novy pakiet, maje na ŭvazie, što ŭ vypadku napadu na Ukrainu niehatyŭnyja nastupstvy pavinny pieravysić lubyja patencyjnyja vyhady. Heta nazyvajecca «nieprymalnaja škoda».
«Nieprymalnaja škoda» — paniaćcie davoli šyrokaje, choć zvyčajna jaho ŭsprymajuć u kantekście zbroi masavaha paražeńnia. Adnak havorka moža iści i pra zvyčajnuju zbroju, kali patencyjnaja škoda nastolki maštabnaja, kab stać sapraŭdy nieprymalnaj.
Słova «stratehičny» jakraz i aznačaje, što ŭździejańnie hetaha pakieta budzie vyrašać nie asobnyja vajennyja zadačy, a ahulnyja, dziaržaŭnaha ŭzroŭniu.
Što moža być u hetym pakiecie?
Heta moža być sistema ŭzbrajeńniaŭ, naprykład, PRA dalokaha dziejańnia, balistyčnyja abo kryłatyja rakiety, dalokaść jakich budzie zakranać addalenyja vobłaści Rasii.
Havorka moža iści i pra vajskovuju bazu, na jakoj budzie raźmieščany zamiežny kantynhient — u takim vypadku ŭdar pa joj budzie ŭspryniaty jak napad užo na inšuju dziaržavu, i nastupstvy buduć pahražać nieprymalnymi stratami.
Narešcie, strymlivańnie možna zabiaśpiečyć i prosta mahutnymi ŭzbrojenymi siłami, zdolnymi dać adpor šyrokamaštabnamu napadu. Mahčymyja i inšyja varyjanty.
Detali hetaha punkta Zialenski nakiravaŭ kiraŭnictvu ZŠA, Vialikabrytanii, Francyi, Italii i Hiermanii. Vierahodna, heta tyja krainy, jakija patencyjna mahli b takoje strymlivańnie zabiaśpiečyć.
Ciapier čytajuć
U kadr znoŭ trapiła, jakim pamieram šryfta dla Łukašenki drukujuć vystupy, kab jon bačyŭ9
Kamientary