Na samaj viaršyni piramidy Chieopsa ŭ Jehipcie zaŭvažyli sabaku
Parapłanieryst Aleks Łanh, jaki ablataŭ najbolšuju pavodle pamieraŭ (vyšynia — 138 mietraŭ) jehipieckuju piramidu, zaŭvažyŭ na jaje viaršyni sabaku. Jon padzialiŭsia videazapisam u sacyjalnych sietkach.
Pa słovach mužčyny, sabaka biehaŭ pa viaršyni piramidy i brachaŭ na ptušak. Jak žyvioła mahła apynucca na takoj vyšyni, nieviadoma.
Jak śćviardžaje parapłanieryst, sabaka zusim nie bajaŭsia vyšyni i adčuvaŭ siabie ŭpeŭniena.
Vyšynia piramidy Chieopsa składaje 138 mietraŭ, heta pryblizna ŭzrovień 40-paviarchovaha budynka. Niezrazumieła, jak doŭha sabaka znachodziŭsia na takoj vyšyni, ale paśla stała viadoma, što ź im usio dobra: jon paśpiachova spuściŭsia na ziamlu.
Pry hetym čałavieku, jaki ŭzdumaŭ by ŭźleźci na vialikuju piramidu, moža pahražać štraf da 100 tysiač jehipieckich funtaŭ (da $2060).
Incydent vyklikaŭ sumnievy, što ŭłady horada Hiza, pobač ź jakim znachodziacca niekalki piramid, a taksama Vialiki Śfinks, mohuć narmalna zabiaśpiečyć zachavanaść architekturnaj i archieałahičnaj spadčyny.
Piramida Chieopsa, ci Vialikaja piramida Hizy — najbujniejšaja ź jehipieckich piramid, pomnik architekturnaha mastactva Staražytnaha Jehipta. Heta adzinaje ź siami cudaŭ śvietu, jakoje zachavałasia da našych dzion, i samaje staražytnaje ź ich: jaje ŭzrost aceńvajecca prykładna ŭ 4,5 tys. hadoŭ.
Ź pieršapačatkovaj vyšynioj amal 147 m na praciahu bolš za troch tysiačahodździaŭ (da ŭźviadzieńnia sabora ŭ anhlijskim Linkalnie kala 1300 hoda) piramida była samaj vysokaj pabudovaj na ziamli.
Z 1979 hoda, jak i mnohija inšyja piramidy kompleksu «Miemfis i jaho niekropali — rajon piramid ad Hizy da Dachšura», źjaŭlajecca častkaj Suśvietnaj spadčyny JUNIESKA.
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca16
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary