Arhanizatarcy našumiełaj seks-opiery ŭ Štutharcie stali dasyłać pahrozy
Aŭstryjskaja mastačka i režysiorka Fłarencina Holcynhier, jakaja pastaviła ŭ Štutharcie našumiełuju BDSM-opieru z chryścijanskim anturažam, sutyknułasia ź nianaviściu viernikaŭ, jakija nazyvajuć jaje «djabłam» i «satanistkaj». Ciapier na opiery budzie bolš achovy.
Častka niamieckich viernikaŭ aburyłasia novym pravakacyjnym seks-śpiektaklem aŭstryjskaj režysiorki Fłarenciny Holcynhier pad nazvaj Sancta («Śviataja»), jaki ŭ hetym hodzie debiutavaŭ u teatrach niekalkich haradoŭ Hiermanii.
«Moj profil u Instagram poŭny inkvizitarskaj rytoryki. Stała atrymlivać pahrozy i kamientary ad viernikaŭ kštałtu «ty — djabał» i «ty — satanistka».
Niahledziačy na heta, maju namier praciahvać vystupy i nie dazvolić sabie paddacca cenzury. Nastupnaje pradstaŭleńnie ŭ Štutharcie budzie zabiaśpiečana achovaj, jakaja budzie bolš uvažliva kantralavać dostup u teatr. Palicyja taksama zajaviła, što hatovaja ŭ vypadku nieabchodnaści chutka ŭmiašacca ŭ ekstrannych vypadkach», — pieradaje vydańnie Bild sa spasyłkaj na mastačku Holcynhier.
Raniej aŭtarka kazała, što jaje novy śpiektakl byŭ stvorany nie dla naśmiešak nad Carkvoj, a dla vyvučeńnia paralelaŭ pamiž kansiervatyŭnymi instytutami hramadstva z adnaho boku i subkulturnymi supolnaściami z druhoha.
Nahadajem, što tydzień tamu padčas pakazu śpiektakla Sancta u Štutharckaj dziaržaŭnaj opiery 18 hledačoŭ adčuli mocnuju młosnaść, niekatorym spatrebiłasia terminovaja miedycynskaja dapamoha.
Sama pastanoŭka ŭtrymlivaje ŭ sabie sceny sapraŭdnaha seksu z BDSM-elemientami, vykananymi aktorkami ŭ vobrazie katalickich manachiń, jakija padčas śpiektakla ŭ aholenym vyhladzie taksama ablivajucca štučnaj ci sapraŭdnaj kryvioj, masturbujuć pad techna muzyku, śpiavajuć chevi-metał (kłasičny žorstki rok), łaziać pa ścienach i katajucca na rolikach. Usio heta supravadžajecca najaŭnaściu na scenie chryścijanskaj atrybutyki, zvanoŭ i ŭkryžavańniaŭ.
Pradstaŭniki dziaržaŭnaj opiery Štutharta adznačyli, što afiša śpiektakla ŭtrymlivaje papiaredžańni pra ŭsie vyšejpieraličanyja sceny i paznačaje, što vyjavy dla niekatorych hledačoŭ mohuć być traŭmavalnyja.
Śpiektakl Sancta, u jakim udzielničajuć tolki žančyny, byŭ pastaŭleny ŭ haradach Hiermanii tolki ŭ hetym hodzie pa matyvach aryhinalnaj opiery 1920-ch hadoŭ pad nazvaj «Śviataja Susana».
Pavodle aryhinała, maładaja manachinia Susana ŭzbudžajecca ad apoviedu adnoj sa starejšych siostraŭ žanočaha manastyra. U paryvie seksualnaha zapału Susana ahalajecca na ałtary i zryvaje adzieńnie ź fihury Chrysta. Ale, ubačyŭšy pavuka, jaki simvalizuje jaje hrech, spyniajecca i biažyć da inšych manachiń raskajvacca i malić ich, kab tyja zamuravali jaje žyŭcom u jakaści pakarańnia za bjazbožny ŭčynak.
Aryhinalny śpiektakl pavinien byŭ debiutavać u dziaržaŭnaj opiery Štutharta jašče ŭ 1921 hodzie, ale byŭ pastaŭleny na scenie tolki ŭ 1922 hodzie z-za pratestaŭ z boku katalikoŭ i duchavienstva.
«Stabilna dasyłajuć dzikpiki». Niu-madelka Lina Capava — pra zarobak ad fota, bulinh u škole i adnosiny ź Mikitam Miełkazioravym
«Pierad tym, jak źniać trusy — dumaj, što skaža pra ciabie tvoj budučy były»: Naścia Rybka napisała aŭtabijahrafičnuju knihu
Novy niezvyčajny sposab ramantyčnych znajomstvaŭ nabiraje šalonyja abaroty
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary
Kaniešnie, pry miedyjnaj padtrymcy Bild Russian (adkul krynica), "Našaj Nivy", Mieduzy, Die Linke, SPD, Die Tageszeitung i inšych padobnych?
Voś tady pravakacyja była b adnarazavaja, bo na "pahrozach" u Instagram by nie skončyłasia.
Heta nie pieršy taki vypadak. I jašče na fonie taho, što navat majstrym u ES pierakanaŭsia da abmiežavańniaŭ u dačynieńnie mihracyi.