Zialenski rasčaravany, što ZŠA vydali kanfidencyjnuju infarmacyju pra prośbu Ukrainaj «Tamahaŭkaŭ»
Prezident Ukrainy Uładzimir Zialenski paćvierdziŭ, što Ukraina ŭ jahonym «Płanie pieramohi» prasiła zabiaśpiečyć jaje dalnabojnym uzbrajeńniem, u pryvatnaści, dalnabojnymi kryłatymi rakietami Tomahawk, ale heta była kanfidencyjnaja infarmacyja pamiž Ukrainaj i Biełym domam. Pra heta jon zajaviŭ u intervju pradstaŭnikam viadučych ŚMI krain Paŭnočnaj Jeŭropy, piša «Ukrainskaja praŭda».
«Kali my ŭzdymali temu, naprykład, pra dalnabojnuju zbroju. Adnosna dazvołu dla Ukrainy vykarystoŭvać jaje pa vajskovych celach na terytoryi Rasii niekatoryja krainy vyrašyli, što heta skryžavańnie čyrvonych linij…
Kali ja paprasiŭ ich (partnioraŭ — red.) u Płanie pieramohi dać mnie pakiet dalnabojnaha ŭzbrajeńnia, i my jaho vykarystajem tolki ŭ tym vypadku, kali Rasija nie spynić vajnu i praciahnie eskałacyju. Ja skazaŭ, što heta previentyŭny mietad. Mnie adkazali, što heta eskałacyja.
Kali mnohija krainy pačali padtrymlivać Płan pieramohi — jany skazali, što Ukraina choča ci chacieła atrymać šmat rakiet, takich jak «Tamahaŭki», i hetak dalej.
Ale heta była kanfidencyjnaja infarmacyja pamiž Ukrainaj i Biełym domam. Jak razumieć hetyja paviedamleńni? Takim čynam, heta aznačaje, što pamiž partniorami niama ničoha kanfidencyjnaha».
Pa słovach Zialenskaha, paŭnočnakarejskija sałdaty na ŭkrainskim froncie — heta i jość eskałacyja z boku Rasii. I Ukraina nie maje mahčymaści spynić ich, pakul jany na terytoryi Rasii.
Prezident Ukrainy zajaviŭ, što heta čamuści rytaryčnaje pytańnie, što buduć rabić zachodnija partniory, kali 100 tysiač sałdat z Paŭnočnaj Karei vyrašać napaści na Ukrainu pad kiraŭnictvam Rasii. Jon paskardziŭsia, što ŭ hetym pytańni suśvietnyja lidary i partniory Ukrainy nie prymajuć nijakich rašučych dziejańniaŭ.
Ciapier čytajuć
Pamior narodny artyst Biełarusi Jarasłaŭ Jeŭdakimaŭ — vykanaŭca chitoŭ «Začarovanaja maja» i «Fantazior»7
Kamientary