Svaju rolu ŭ raspačatym dyjałohu z Łukašenkam Jeŭropa zhulała blakła, biazdarna, biez kreatyvu i mazhavoj napruhi. Piša ŭ svaim błohu na NN Alaksandr Kłaskoŭski.
Jeŭraparłamient adkłaŭ mierkavany ščaŭčok puhaj. Rezalucyja ŭ biełaruskim pytańni adsunutaja na sakavickuju siesiju.
Sacyjalisty dy kamunisty ŭ JEP nastojvajuć na tym, što varta dačakacca, jak źjeździać u Minsk emisary. Vizit čatyroch jeŭraparłamientaroŭ, u tym liku Jacka Pratasieviča, čakajecca 25–27 lutaha.
Ale heta techničnyja momanty. Pryncypovy ž palahaje ŭ tym, što
babula Jeŭropa zaraz uvohule ŭ razhublenaści. Biełaruski aŭtarytarny arešak akazaŭsia zanadta ćviordy dla jaje zuboŭ.
U svoj čas jeŭrabiurakraty nie ryzyknuli ŭžyć darožnuju mapu, raśpisać stratehiju naładžvańnia dačynieńniaŭ ź Minskam pavodle pryncypu abumoŭlenaści. Maŭlaŭ, a što budziem rabić, kali biełaruskija ŭłady ŭprucca roham.
A jany i tak upierlisia. I siońnia, spachapiŭšysia, nakidać umovy Minsku dla Brusiela tym bolej niazručna. Jon užo pa samyja vušy ŭlez u kalainu «prahmatyčnaha dyjałohu».
Samaje ž hałoŭnaje, što
hrošy z MVF spraŭna iduć u Minsk biez usialakaj libieralizacyi. Fond hulaje u svaju hulniu. Na tle jaho salidnych tranšaŭ mierkavanaja makrafinansavaja dapamoha ad Jeŭraźviazu — 290 miljonaŭ dołaraŭ — vieličynia, jakoj Łukašenka moža achviaravać.
Zvyš taho, Brusiel pakłaŭ pad sukno prapanavanyja jašče letaś biełaruskim bokam supolna z Kijevam dy Vilniaj prajekty ŭ halinie enierhabiaśpieki. Paradaksalna, ale ŭ śniežni na sustrečy kiraŭnikoŭ MZS krain Jeŭraźviazu dy «Uschodniaha partniorstva» ŭ Brusieli biełaruski ministr Martynaŭ byŭ ci nie adziny, chto zaklikaŭ paskoryć hetyja kankretnyja prajekty, u toj čas jak zachodniki łunali ŭ empirejach abstraktnaj rytoryki.
Jeŭropa cicha maŭčała i padčas studzieńskaj naftavaj vajny z Rasijaj. Hieapalityčny impet, razvarušany vajnoj na Kaŭkazie ŭ žniŭni
Cicha maŭčała Jeŭropa i kali na źmienu hulni ŭ libieralizacyju pryjšła chvala novych represij suprać apazicyi, niezaležnaj presy. Schamianulisia tolki tady, kali ŭźniała hołas Varšava: našych bjuć!
Kaniečnie, nie sprava brusielskich biurakrataŭ ładzić demakratyčnyja pieramieny ŭ krainie, dzie masa narodanasielnictva pakorliva hłytaje aŭtarytaryzm. I sankcyjami režym naŭrad ci zadušyš. Chutčej jon zdasca Maskvie.
Ale druhaja pałova praŭdy palahaje ŭ tym, što
svaju rolu ŭ raspačatym dyjałohu z Łukašenkam Jeŭropa zhulała blakła, biazdarna, biez kreatyvu i mazhavoj napruhi.
Kaniečnie, jašče nie viečar. Ale fakt toje, što zaraz laskatańnie puhaj niejkaj rezalucyi mała što daść.
Na pačatku dvuchbakovaj adlihi jeŭrafunkcyjaniery paŭtarali: u dačynieńniach ź Minskam my chočam mieć hnutki instrumient. Ale nasamreč instrumient akazaŭsia viałym.
Ciapier čytajuć
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos22
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5151
Kamientary