Doktar fiłałahičnych navuk, akademik, litaraturaznaŭca, krytyk, piśmieńnik Uładzimir Vasiljevič Hniłamiodaŭ pamior siońnia, 3 listapada. Jamu było 86 hadoŭ.
Hniłamiodaŭ naradziŭsia ŭ 1937 hodzie ŭ sialanskaj siamji ŭ ciapierašnim Kamianieckim rajonie Bresckaj vobłaści. Skončyŭ fiłałahičny fakultet Bresckaha piedinstytuta, słužyŭ u vojsku, pracavaŭ nastaŭnikam.
Pieršyja publikacyi Uładzimira Hniłamiodava ŭ druku źjavilisia ŭ 1963 hodzie. Debiutnaja navukovaja tema była pryśviečana sučasnaj biełaruskaj paezii. Hetamu žanru vučony zastaŭsia viernym i paźniej.
Amal 10 hadoŭ Uładzimir Vasiljevič pracavaŭ na pasadzie dyrektara Instytuta litaratury. Mienavita ŭ hety pieryjad akademičnaja ŭstanova rychtavała fundamientalnuju navukovuju pracu «Historyja biełaruskaj litaratury XX stahodździa ŭ čatyroch tamach i šaści knihach» (1999—2014), jakaja stała plonam daśledčycka-navukovych dasiahnieńniaŭ litaraturaznaŭčych sił usioj Biełarusi i pakazała najvažniejšyja dasiahnieńni našaha piśmienstva za 20 stahodździe.
Pačynajučy z 2000 hoda Uładzimir Hniłamiodaŭ vystupaje jak prazaik. Raman «Ulis z Pruski» u 2007 hodzie byŭ adznačany premijaj «Załaty Kupidon». Praciaham hetaha tvora stali ramany «Uschod» i «Viartańnie».
Ciapier čytajuć
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy48
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1414
Kamientary