Śviet11

«Nijakaha apaviaščeńnia nie było». Biełarusy raskazali, jak pieražyli najbujniejšuju za paŭstahodździa pavodku ŭ Ispanii

Pa apošnich źviestkach, 218 čałaviek stali achviarami štormu DANA, jaki abrynuŭsia na Ispaniju na minułym tydni. Asnoŭny ŭdar pryjšoŭsia na pravincyju Valensija. Sama stalica rehijonu nie paciarpieła — tam zrabili vysnovy z razburalnaj pavodki 1957 hoda i ŭźviali adpaviednyja ŭmacavańni, a voś pryharady litaralna zmyła. Paśla štorm pieramiaściŭsia ŭ Katałoniju, dzie taksama vyklikaŭ transpartny kałaps. «Zialony partał» pahavaryŭ z našymi suajčyńnikami, jakija volaj losu apynulisia ŭ epicentry hetaj stychii.

Вуліцы Валенсіі пасля ўдару стыхіі
Vulicy Valensii paśla ŭdaru stychii

Fota i videa z pryharada Valensii Pajporty možna było pabačyć, napeŭna, va ŭsich ŚMI śvietu: haradok nie tolki staŭ simvałam razburalnaj stychii, a jašče apynuŭsia ŭ centry palityčnaha skandału: mienavita siudy pryjechała kiraŭnictva krainy razam ź ispanskaj karaleŭskaj paraj, kab vykazać padtrymku miascovym žycharam.

Ale tyja žest spačuvańnia nie acanili i zakidali vysokich haściej hrazioj. Takim čynam žychary pravincyi vykazvali svajo staŭleńnie da ŭład, jakija na ich dumku, ničoha nie zrabili, kab, pa-pieršaje, praduchilić razburalnyja nastupstvy stychii, a, pa-druhoje, dapamahčy paciarpiełym.  

Za štormam DANA z bałkona kvatery na ŭłasnyja vočy nazirała biełaruska Viktoryja, jakaja žyvie ŭ Pajporcie ź siamjoj dva z pałovaj hady. Kaža: ništo nie praročyła stychii, bo za čas ich žyćcia ŭ Ispanii było tolki paru daždlivych dzion, a ŭvieś astatni čas nadvorje było soniečnym, pra ŭrahan navat nie źjaŭlałasia i dumki. Toje, što adbyłosia naprykancy kastryčnika, stała niepryjemnym siurpryzam.

Kvatera biełarusaŭ u domie na trecim paviersie zastałasia cełaj, a voś usio, što ŭ Pajporcie było na nižnich pavierchach — kramy, pošta, palikliniki, dziciačyja ŭstanovy — prosta zmyła. Da prykładu, dačka Viktoryi zastałasia biez škoły: užo vyznačyli, što budynak adnaŭleńniu nie padlahaje.

Samym dramatyčnym dniom dla Pajporty staŭ aŭtorak, 29 kastryčnika. Z ranicy, uzhadvaje Viktoryja, było vielmi ciomna, nibyta palarnaja noč apuściłasia, vielmi mocny viecier, ale daždžu, jak takoha, nie było.

На вуліцах Валенсіі пасля паводкі
Na vulicach Valensii paśla pavodki

Žančyna ŭ 17:30 zabrała dačku sa škoły, na raźvivalnyja hurtki vyrašyli ŭ hety dzień nie iści z-za nadvorja, tamu viarnulisia dadomu. A praz hadzinu pa vulicach Pajporty ŭžo nieślisia patoki vady, jakija zmyvali ŭsio na svaim šlachu, u tym liku aŭtamabili ź ludźmi.

«Nijakaha apaviaščeńnia nie było. Nu jość ža sinoptyki, jany ž dla čahości vykonvajuć svaju pracu i pavinny byli pradbačyć hetuju stychiju. Naprykład, mahli b być apaviaščeńni, kab ludzi na vulicu nie vychodzili, kab padymalisia ź pieršych pavierchaŭ. Ale ničoha takoha nie było.

Pieršyja apaviaščeńni pryjšli praź dźvie hadziny paśla trahiedyi. U inšych haradach rehijonu ŭłady ludziej papiaredzili: telefanavali i kazali nie vieści dziaciej u škołu, ci zabrać sa škoły raniej. U nas ničoha takoha nie było».

Miascovyja žychary nie tolki pa hetaj pryčynie złujucca na ŭładu. Faktyčna tydzień horad, jaki znachodzicca na miažy humanitarnaj katastrofy, vyžyvaje siłami vałancioraŭ.

Dziasiatki tysiač ludziej z usioj Ispanii ciahnucca ŭ Pajportu, kab dapamahčy raźbirać zavały, akazvać miedycynskuju dapamohu, dastaŭlać vadu i ježu. Zaraz, pa słovach Viktoryi, u horadzie jość suviaź i elektryčnaść, praŭda, nie paŭsiul. Nazirajucca pieraboi z vadoj i kanalizacyjaj. Charčavańnia chapaje: humanitarnyja punkty adkrytyja na kožnym rahu, vialikaja kolkaść haračaj ježy i suchpajkoŭ, vady.

«Prajšoŭ tydzień, i nibyta tolki zaraz usie pačynajuć varušycca. Na šmat pytańniaŭ u pieršyja dni my nie zmahli atrymać adkazaŭ. A zaraz bolš-mienš stanovicca zrazumieła, što sa škołami, z transpartam. Ale ŭsio ruchajecca vielmi marudna. Choć vałancioraŭ u horadzie šmat».

Stalicu pravincyi, Valensiju, stychija začapiła ŭskosna. Tut zrabili vysnovy z razburalnaj pavodki 1957 hoda. Tady padobny cykłon vyklikaŭ hibiel 80 čałaviek, i horad zadumaŭsia pra nieabchodnyja ŭmacavańni: staroje rečyšča raki Turyja asušyli, raku puścili pa novym šlachu, i tamu ciapier asnoŭny ŭdar pryjšoŭsia mienavita na pryharady, dzie znachodziacca prytoki.

Biełarus Siarhiej (imia źmieniena), jaki žyvie ŭ Valensii, kaža: pra štorm nahadvaŭ tolki mocny viecier.

«U aŭtorak jašče a 6-j uviečary my chadzili hladzieć na mora, što adbyvajecca. Prosta dźmuŭ mocny viecier i ŭsio zasypała piaskom. Akazvajecca, što pryharady ŭ hety čas aktyŭna tapiła, a my ničoha pra heta nie viedali. Piapiaredžańnie nie vychodzić na vulicu pryjšło ŭsim, ale tolki a 20-j hadzinie ŭviečary. Z-za mocnych daždžoŭ było rekamiendavana nie pierasoŭvacca pa Valensii».

U škołach stalicy rehijonu pa siońniašni dzień prypynienyja zaniatki, nie pracujuć ŭniviersitety. Jość prablemy z transpartam, pakolki paškodžanaje depo miascovaha mietrapalitena. Siarhiej zaŭvažyŭ i źmienu ŭ nastroi ludziej.

«Zvyčajna viasiełyja ispancy zaraz vielmi złyja. U mianie asabista jość adčuvańnie biezdapamožnaści — što ja jašče mahu zrabić i čym dapamahčy? Navat niahledziačy na toje, što heta nie našaja biada, naša kamjunici vielmi dobra arhanizavana i ŭdzielničaje ŭ ahulnym ruchu salidarnaści».

Zaraz prahnoz nadvorja pa Valensii bolš-mienš stabilny, novych zaleŭ nie čakajecca. U paniadziełak DANA pajšła ŭ Katałoniju, dzie taksama vyklikała transpartny kałaps — byli admienienyja avijarejsy, spynieny ruch na čyhuncy.

Žychary rehijonu atrymali papiaredžańnie ab pavyšanaj niebiaśpiecy i rekamiendacyi zastavacca doma. Ale niepahadź praciahvałasia niadoŭha, raskazaŭ žychar Barsiełony Pavieł.

«U Barsiełonie ŭ paniadziełak usio vielmi chutka zdaryłasia: u 10:30 pryjšło štarmavoje papiaredžańnie pa horadzie i vakolicach, i litaralna adrazu ž pačało zalivać. Ja vyjšaŭ na pracu, ale amal adrazu viarnuŭsia nazad, atrymaŭšy papiaredžańnie na telefon. Napisali, što nie varta nikudy chadzić ci jeździć i treba paźbiahać rečak i ručajoŭ.

Niedzie hadzinu-paŭtary išoŭ vielmi mocny doždž, zatapiła niekalki stancyj mietro, ​​aeraport, spyniŭsia ruch usich ciahnikoŭ. Znajomych studentaŭ litaralna zakryli ŭ pamiaškańni ŭniviersiteta na paru hadzin. Ale paśla doždž hetak ža rezka spyniŭsia i ŭžo pa abiedzie źziała sonca.

U Barsiełonie, naohuł, vielmi dobraja sistema liŭnioŭki i kalektaraŭ, tamu paškodžańniaŭ asablivych nie było. Tolki sotniu rejsaŭ z aeraporta admianili ci pieranieśli».

Kamientary1

  • Niajakasnaja praca
    07.11.2024
    Red. Dziakuju, vypraviŭ.

Ciapier čytajuć

Što moža čakać tych, kaho buduć sudzić pa spravie «Biełaruskaha Hajuna»?

Što moža čakać tych, kaho buduć sudzić pa spravie «Biełaruskaha Hajuna»?

Usie naviny →
Usie naviny

Dziciačy centr, jaki admoviŭ dziaŭčynie ŭ pracaŭładkavańni za biełaruskuju movu, ułady pravieryli i znajšli parušeńni2

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie11

«Hety fest nie tolki dla kajfu». Arhanizatary fiestyvalu Tutaka raskazali pra sioletnija płany i pierśpiektyvy10

Pucin asudziŭ parušeńnie Izrailem Statuta AAN i normaŭ mižnarodnaha prava11

Za miesiac popyt na lalek Łabubu vyras na «Kufry» ŭ 6,5 raza7

Pad Saladaram adzin rasijski samalot źbiŭ inšy?4

Izrailskaja rakieta ŭdaryła pa rezidencyi Viarchoŭnaha lidara Irana Ali Siejeda Chamieniei3

Padčas izrailskaj ataki na Iran zabili kamandzira śpiecpadraździaleńnia «Kuds»1

Nietańjachu ŭvioŭ Iran u zman z dapamohaj viasiella, a Tramp — svaimi zajavami8

bolš čytanych navin
bolš łajkanych navin

Što moža čakać tych, kaho buduć sudzić pa spravie «Biełaruskaha Hajuna»?

Što moža čakać tych, kaho buduć sudzić pa spravie «Biełaruskaha Hajuna»?

Hałoŭnaje
Usie naviny →

Zaŭvaha:

 

 

 

 

Zakryć Paviedamić