Siaścior-biełarusak, jakija źnikli ŭ tureckich harach, znajšli žyvymi
Siaścior ź Biełarusi Valancinu i Maryju Ivankovych, jakija źnikli ŭ harach Turcyi, znajšli. Paviedamlajecca, što stan ich zdaroŭja dobry, piša vydańnie Nigde Anadolu sa spasyłkaj na hubiernatara pravincyi Nihde.
Paviedamlajecca, što biełarusak znajšli ŭ rajonie Kajsiery siońnia kala 16:50.
«Dvuch hramadzianak Biełarusi, jakija nie vychodzili na suviaź niekalki dzion, znajšli ŭ harach z boku Kajsiery pošukava-vyratavalnyja hrupy Turcyi. Pasoł Biełarusi Viktar Rybak na suviazi z hubiernataram rehijona», — paviedamili ŭ biełaruskim MZS.
Pra źniknieńnie ŭ Turcyi siaścior Valanciny i Maryi Ivankovych stała viadoma dniom 19 listapada. 18-ha čysła jany pavinny byli viarnucca z pachodu ŭ Ankaru, ale ad ich nie pastupiła nijakich viestak.
Pavodle infarmacyi miedyja, 16 listapada siostry adpravilisia ŭ pachod u Nacyjanalny park Jedyhieler, praź niekatory čas suviaź ź imi pierapyniłasia.
U rehijon byli nakiravany pošukavyja hrupy ŭpraŭleńnia pa nadzvyčajnych situacyjach i likvidacyi nastupstvaŭ stychijnych biedstvaŭ MUS Turcyi, a taksama žandarmieryi.
Pošukava-vyratavalnyja raboty vialisia jak z pavietra, tak i ź ziamli.
Kamientary
šio? a jak tady turki kažuć "huby"? kali chočuć riusskaja natašia pacałavać?