Dźmitry Daščynski: Da Alimpijady ŭ Sočy naŭrad ci daciahnu
Kapitan biełaruskaj alimpijskaj družyny na Hulniach u Vankuviery Dźmitry Daščynski naŭrad ci vystupić ŭ 2014 hodzie na Alimpijadzie ŭ Sočy.
Pra heta 32‑hadovy frystajlist paviedamiŭ siońnia žurnalistam paśla zaviaršeńnia alimpijskaha finału ŭ mužčynskaj akrabatycy, dzie z pryčyny niaŭdałaj pieršaj sproby zaniaŭ tolki 11‑ie miesca.
Miedalist Alimpijadaŭ u Nahana‑1998 (bronza) i Turynie‑2006 (srebra) vyjšaŭ u finał Hulniaŭ‑2010 z čaćviortym vynikam. Ale z‑za niaŭdałaha pryziamleńnia ŭ pieršym ža finalnym skačku raźvitaŭsia z nadziejaj na treciuju ŭ karjery alimpijskuju ŭznaharodu, choć ŭ druhoj sprobie pakazaŭ druhi vynik dnia.
«Pakul ciažka skazać, pa jakoj pryčynie nie ŭdałosia pryziamleńnie ŭ pieršym skačku. Vysnovy možna budzie zrabić paśla videaprahladu. Moža być, nabraŭ na tramplinie lišniuju chutkaść abo z kručeńniem u pavietry nie spraviŭsia. Niahledziačy na toje, navat pry hetym byŭ ździŭleny takoj nizkaj acenkaj — najhoršaj siarod usich finalistaŭ (86,95 bała).
Možna padumać, byccam ja na hałavu pryziamliŭsia.
Naturalna, što paśla takoha vychodzić na druhi skačok było ciažka, jon pieratvaraŭsia ŭ pakazalnyja vystupleńni. Ale zaviaršyŭ Alimpijadu, liču, hodna. kali b abiedźvie sproby vyjšli, jak druhaja, to prablem z zavajavańniem miedala nie było b. A tak Hulni nie ŭdalisia, choć hatovy byŭ da ich vydatna, jak nikoli», zaznačyŭ Daščynski.
«Kažacie, ci praciahnu ja tradycyju vyjhravać miedali praz Alimpijadu? Bajusia, užo ŭsio, peŭna, ź miedalami. Ja hety siezon ledź vyžyŭ.
Kolki jašče praciahnu vystupać, nie viedaju, ale nie da Alimpijady ŭ Sočy dakładna.Zanadta zamučyli prablemy sa śpinoj» , — pryznaŭsia Dźmitry Daščynski.
Akramia vyjhryšu dźviuch alimpijskich uznaharod zasłužany majstar sportu Biełarusi Dźmitryj Daščynski dvojčy stanaviŭsia vice‑čempijonam śvietu (2001, 2007), atrymaŭ 11 pieramoh na etapach Kubka śvietu, a jašče 27 raz ŭvachodziŭ na ich u pryzavuju trojku.
Ciapier čytajuć
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod38
Kamientary