Michaił Huceryjeŭ paćvierdziŭ nacyjanalizacyju «Słaŭkalija» i skazaŭ pra «zavisańnie» svaich paŭmiljarda dalaraŭ
U intervju vydańniu Forbes Talk rasijski miljarder Michaił Huceryjeŭ paćvierdziŭ nacyjanalizacyju ŭ Biełarusi kampanii «Słaŭkalij», u prajekt jakoj jon byŭ istotna zaanhažavany. A taksama panarakaŭ, što vydatkavanyja na budaŭnictva $500 młn jamu pakul jašče nie viarnuli.
«Paśla sankcyj amierykanskich na kalij, na «Słaŭkalij» ja vymušany byŭ jaho jak by pakinuć, spynić budaŭnictva całkam. Usie finansavyja srodki, jakija my inviestavali, tam naša častka — paŭmiljarda dalaraŭ. Usio heta zastyła, kali heta vierniecca, nieviadoma», — zajaviŭ Huceryjeŭ.
«Słaŭkalij» realizavaŭ inviestycyjny prajekt pa budaŭnictvie Niežynskaha horna-abahačalnaha kambinata, u jaki hrupa Huceryjeva «Safmar» ukłała $500 młn. U prajekcie taksama ŭdzielničaŭ Dziaržaŭny bank raźvićcia Kitaja, układańni, pa słovach Huceryjeva, skłali $1 młrd.
«A potym amierykanskija byli sankcyi, niepasredna na kalijnuju vytvorčaść Biełarusi. I samo heta biełaruskaje pradpryjemstva, tamu kitajcy admovilisia finansavańnie dalej praciahvać. My taksama spynili, i heta ŭsio tak zastyła», — raskazaŭ Huceryjeŭ.
Na pytańnie, jaki status u prajekta ciapier, biznesmien adkazaŭ, što «heta adychodzić usio biełaruskaj dziaržavie».
Chto budzie dalej raźvivać prajekt i jak, Huceryjeŭ adkazać nie zmoh:
«Mnie heta niecikava ŭžo. Ja straciŭ cikavaść da hetaha prajekta. My praśvidravali dźvie šachty, adnu 800, adnu 600 mietraŭ. My zrabili tam trochkiłamietrovyja tuneli. My praktyčna dajšli da 70% vyrašeńnia prablemy. My pabudavali kambinat horna-abahačalny, pabudavali HAK. My ŭžo navat meblu zakupili ŭ administracyjnyja budynki. Pavinny byli dabudavać sioleta».
Što da ŭkładzienych hrošaj, to pytańnie ich viartańnia
«heta pytańnie pieramoŭ. Pakul nijakich hrošaj ja nie atrymaŭ nazad. I ŭsio, maje hrošy jak by zaviśli, ich niama. Byvaje takoje, ničoha strašnaha».
Huceryjeva ŭklučyli ŭ sankcyjny śpis Jeŭrasajuza ŭ suviazi ź situacyjaj u Biełarusi. U aficyjnym dakumiencie ES śćviardžałasia, što miljarder — «daŭni siabar» Alaksandra Łukašenki, što dazvoliła jamu «nazapasić značny kapitał i ŭpłyŭ siarod palityčnaj elity Biełarusi». ES taksama zajaviŭ, što Huceryjeŭ «padtrymlivaŭ Łukašenku ŭ sprečkach z Rasijaj u pastaŭkach nafty».
U 2021 hodzie Huceryjeŭ paśla ŭviadzieńnia adnosna jaho sankcyj pieradaŭ svajmu bratu Sait-Sałamu kantrol nad akcyjanieram «Słaŭkalija» — brytanskaj GCM Global Energy.
Ažyŭ kalijny daŭhabud u Lubanskim rajonie, jaki budavaŭ Huceryjeŭ
Zarehistravali kampaniju, jakaja moža stać pierajemnicaj «Słaŭkalija»
Na «Słaŭkalii» pracujuć acenščyki majomaści, chodziać čutki ab prodažy «Urałkaliju». Što adbyvajecca?
Viersija pra kantakty Huceryjeva i amierykancaŭ: jaho pasłaŭ Łukašenka
Huceryjeŭ chacieŭ zdać Łukašenku i Pucina amierykancam. U abmien na źniaćcie sankcyj
Čym pahražaje biełaruskaj ekanomicy prodaž uhnajeńniaŭ pa dempinhavych cenach
Zdajecca, Łukašenka źbirajecca azałacić niekaha na ŭhnajeńniach. Hałoŭčanka sprabavaŭ pieraškodzić
Kamientary
Ci ratujuć Biełaruś ad Rasii, ad rasijskich aliharchaŭ, robiać Biełaruś niecikavaj dla prychvatyzacii?