U Breście mužčyna padumaŭ, što jamu atrucili kavu, i ŭdaryŭ aficyjantku łyžkaj. Zaviali kryminalnuju spravu
Kanflikt zdaryŭsia zusim niadaŭna — 13 listapada.
Mužčyna piensijnaha ŭzrostu čamuści vyrašyŭ, što jaho chočuć atrucić, i zładziŭ bojku z aficyjantkaj, piša Onliner.by.
U adnoj ź bieraściejskich kaviarniaŭ kampanija adznačała jubilej. Paśla taho jak aficyjnaja častka skončyłasia i častka haściej razyšlisia, 65-hadovy mužčyna padyšoŭ da barnaj stojki i zamoviŭ sabie kavy.
— Piensijanier, jaki znachodziŭsia ŭ stanie ałkaholnaha apjanieńnia, pradjaviŭ pretenziju 19-hadovaj aficyjantcy ŭ tym, što kava atručanaja.
I nastojvaŭ, kab jana zrabiła pieršy hłytok, tak by mović, pradehustavała kavu.
Naturalna, rabotnica admoviłasia. Mužčyna jašče kala chviliny pastajaŭ, a potym schapiŭ čajnuju łyžku, jakaja lažała na barnaj stojcy, i ŭdaryŭ dziaŭčynu zvarotnym bokam u hrudzi, — raspavioŭ aficyjny pradstaŭnik SK i padkreśliŭ: taki ŭdar całkam moh skončycca ciažkaj traŭmaj.
Na dapamohu prybiehła 20-hadovaja administratarka, jakaja zakryła saboj paciarpiełuju. Tady mužčyna i jaje ŭdaryŭ łyžkaj u hrudzi.
Žonka piensijaniera, ubačyŭšy kanfliktnuju situacyju, padyšła da muža i vyvieła jaho z kafe.
Tym časam aficyjantka nacisnuła tryvožnuju knopku, pryjechali supracoŭniki milicyi i ŭ toj ža dzień žychara Bieraścia zatrymali. Ciapier u dačynieńni da jaho raspačataja kryminalnaja sprava pavodle č. 3 art. 339 (asabliva złosnaje chulihanstva).
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary