Z-za skačka kursu valut rynak nieruchomaści pačało «štarmić», a narod zachvalavaŭsia. Nieviadoma, ci buduć u suviazi z hetym ludzi aktyŭna kuplać žyllo ŭ novabudoŭlach, dzie košt pryviazany da dalara, a voś žyły kompleks «Hulivier», jaki budujecca i za «kvadraty» u jakim ceny pryznačalisia ŭ rublach, zastajecca zapatrabavanym, piša «Lusterka».
Paviedamlałasia, što Upraŭleńnie kapitalnaha budaŭnictva (CKB) Minskaha harvykankama budzie zaklučać damovy z pakupnikami tolki z 2 śniežnia, ale čarha tudy pačała vystrojvacca jašče ŭčora.
Žyły kompleks «Hulivier» budujuć niedaloka ad stancyi mietro «Puškinskaja», zabudoŭščyk — UKB Minharvykankama.
Niadaŭna vyjšła dekłaracyja na kvatery z 6-ha pa 18-y pavierch, košt «kvadrata» tam — 4800 rubloŭ, ad kursu dalara jana nie zaležyć. Jak raniej paviedamlaŭ zabudoŭščyk, prajs na žyllo, jakoje ciapier vystaŭlena na prodaž, pavialičvacca nie budzie.
Zaklučeńnie damoŭ z pakupnikami UKB pačnie z 2 śniežnia. Pry hetym na pradpryjemstvie nie mahli prahnazavać, ci budzie čarha z achvotnych nabyć kvatery ŭ domie. Ale akazałasia, što achvotnyja jość.
Jašče ŭčora ŭ čacie, dzie abmiarkoŭvajecca budaŭnictva «Huliviera», samyja aktyŭnyja hramadzianie zaklikali zapisvać u čarhu tych, chto maje namier ustupić u dolevaje budaŭnictva.
«Dla taho kab vas zapisali, pryjazdžajcie da UKB asabista. Darma nie pišycie ŭ čat», — paviedamili dziažurnyja, jakija viaduć śpis.
Pavodle danych na 16.00 30 listapada, u śpis svaje danyja ŭžo ŭnieśli 19 čałaviek.
Upieršyniu za pałovu miesiaca dalar patańnieŭ
«Kali nabyŭ $20 pa kursie 3,3 — i ciapier ty paśpiachovy inviestar»: jak biełarusy reahujuć na skački valut
Dzie ŭ Minsku buduć budavać novaje žyllo? Placoŭki ŭžo vyznačany
Stała viadoma, kali źjavicca pieršy dom na miescy daŭhabudu «Hulivier» na Prytyckaha
Ułady Minska raskazali, kali pačnuć budavać kvatery na miescy šmatpakutnaha «Huliviera»
Ciapier čytajuć
«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ1
Kamientary