Adno z pytańniaŭ da Koli Łukašenki z boku prapahandystaŭ BiełTA tyčyłasia jahonaha staŭleńnia da sacsietak i asabistaha ŭ ich udziełu.
Małodšy syn Łukašenki śćviardžaje, što sam sacsietak nie viadzie, a kali b vioŭ, to «vy b viedali».
U toj ža čas uvohule sacsietki jamu nie čužyja, bo jon ich čytaje, prytym «roznyja».
«Heta častka našaha žyćcia. Niemahčyma, naprykład, nie čytać Telegram-kanały», — śćviardžaje Kola Łukašenka.
Uvohule ž čytaje jon nibyta nie tolki telehram-kanały, ale i zvyčajnyja knihi. Padabajecca, maŭlaŭ, «navat sam praces čytańnia, pierahortvańnia staronak».
Što tyčycca koła čytańnia, to ŭ asnoŭnym jano tyčycca bijatechnałohii, pa jakoj Kola ciapier atrymlivaje adukacyju:
«Ja pavinien čytać techničnuju litaraturu, navukovuju litaraturu. Ja jaje čytaju šmat: heta navukovyja artykuły, manahrafii, zborniki, usiakija navukovyja rehłamienty».
U toj ža čas da navukova-papularnaj litaratury staŭleńnie dvaistaje. Z adnaho boku, pry jaje dapamozie «možna stavić pierad saboj niejkija pytańni» — i heta plus. U toj ža čas «da realnaha žyćcia jana redka maje dačynieńnie i nie vyrašaje niejkija prablemy» — i za heta Łukašenka-małodšy jaje nie lubić.
Mastackaja ž litaratura nadajecca dla taho, «kab udaskanalvać navyki razmovy i piśma. A vialikija mastackija tvory možna niekalki razoŭ u žyćci pieračytvać». Kankretnych tvoraŭ, praŭda, nazvana nie było.
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść
Što supolnaha ŭ Koli Łukašenki i pieršaj biełaruski ŭ kosmasie
Kolki pamyłak u navukovaj publikacyi Koli Łukašenki?
Kola Łukašenka syhraŭ na rajali na «Dni narodnaha adzinstva». Jaho tata pierad hetym pryhraziŭ Treciaj suśvietnaj vajnoj
Amierykancy dabilisia vyzvaleńnia Juryja Ziankoviča. Jon byŭ prysudžany da 11 hadoŭ źniavoleńnia18
Kamientary