Vajskovamu analityku Jahoru Lebiadku źbirajucca ŭzmacnić pakarańnie
U Ivacevičach adbudziecca sud pa zamienie Jahoru Lebiadku režymu ŭtrymańnia na turemny.
Jak paviedamlaje «Viasna: Palitviaźni Biełarusi», u Ivacevičach 11 śniežnia adbudziecca sud pa zamienie Jahoru režymu ŭtrymańnia na turemny. Rašeńnie budzie prymać sudździa Vasil Aŭrusievič.
Nahadajem, sudździa Alena Miśnik pryznačyła vajskovamu analityku Jahoru Lebiadku 5 hadoŭ pazbaŭleńnia voli ŭ kałonii va ŭmovach uzmocnienaha režymu pavodle č. 1 i č. 2 art. 361-4 KK (sadziejničańnie ekstremisckaj dziejnaści).
Jahor byŭ zatrymany za kamientary dla «Jeŭraradyjo». Zhodna z materyjałami spravy, Lebiadok u krasaviku i traŭni 2022 hoda «ŭ metach zabieśpiačeńnia dziejnaści publičnaha destruktyŭnaha kanała, infarmacyjnuju pradukcyja jakoha sud pryznaŭ ekstremisckimi materyjałami, daŭ intervju pradstaŭniku nazvanaha kanała na temu praviadzieńnia ŭzbrojenymi siłami RF śpiecyjalnaj vajennaj apieracyi na terytoryi Ukrainy i roli ŭ joj Biełarusi».
Pry hetym tolki ŭ lipieni 2022 hoda biełaruskija ŭłady pryznali «Jeŭraradyjo» i jaho sacyjalnyja sietki ekstremisckim farmavańniem
Jahor Lebiadok adbyvaje svoj termin u ivacevickaj kałonii № 22, administracyja jakoj źmiaščała palitviaźnia ŭ ŠIZA.
Ciapier čytajuć
Minčuki skardziacca na atručvańnie paśla naviedvańnia viadomaha restarana. Pracu ŭstanovy prypynili4
Kamientary