Spotify apublikavaŭ štohadovy rejtynh samych papularnych artystaŭ hoda
4 śniežnia vyjšła štohadovaja spravazdača Spotify Wrapped, jakaja pakazvaje, jakich artystaŭ, jakija pieśni i jakija albomy byli samymi słuchanymi ŭ 2024 hodzie. Stryminhavy servis taksama prapanuje svaim karystalnikam ubačyć asabistuju statystyku za hod.
Sioleta lidaram stała Tejłar Śvift. Amierykanskaja pop-zorka ŭžo druhi hod uznačalvaje śpis samych słuchanych vykanaŭcaŭ Spotify. U značnaj stupieni pazicyi Śvift umacavała vypuščanaja sioleta kružełka the Tortured Poets Department, jakaja ŭznačaliła top albomaŭ, a taksama pabiła niekalki rekordaŭ Spotify, piša Delfi.
Heta pieršy albom, jaki prasłuchali 300 miljonaŭ razoŭ za dzień i miljard razoŭ na tydzień z momantu jaho vypusku ŭ krasaviku 2024 hoda. Muzyku Tejłar Śvift prasłuchali bolš za 26,6 miljarda razoŭ.
Kali pahladzieć na samyja prasłuchoŭvajemyja albomy 2024 hoda, heta byŭ hod žančyn. U piaciorku najlepšych akramia Śvift ŭvajšli Bili Ajliš z Hit Me Hard and Soft, Sabryna Karpenter z Short n'Sweet, Kerał Džy z Mañana Será Bonito i Aryjana Hrande z Eternal Sunshine.
Pieršaje miesca ŭ topie samych prasłuchoŭvajemych piesień zajmaje Espresso Sabryna Karpenter, jaki prasłuchali bolš za 1,6 miljarda razoŭ pa ŭsim śviecie.
Ciapier čytajuć
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ6
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary