Valfovič zajaviŭ, što Minsk hatovy reahavać na pravakacyi padčas vybaraŭ
Biełaruś hatovaja da reahavańnia na mahčymyja pravakacyi ŭ pieryjad kampanii pa vybarach prezidenta krainy, u tym liku ŭ krainie ŭličvajuć padziei ŭ Siryi, zajaviŭ dziaržsakratar Rady biaśpieki Alaksandr Valfovič u efiry telekanała «Biełaruś 1» u niadzielu.
«My hatovyja da reahavańnia na roznyja insinuacyi, parušeńni, pravakacyi», — skazaŭ jon.
Valfovič nahadaŭ, što ŭ niadaŭnim časie ŭ Biełarusi prajšła pravierka sił i srodkaŭ dziaržsistemy reahavańnia na akty teraryzmu i dziejnaść terarystyčnych arhanizacyj «na vopycie i 2020 hoda i inšych varyjantaŭ».
U tym liku, u Minsku ŭličvajuć toje, što «ciapier adbyłosia ŭ Siryi», dadaŭ dziaržsakratar Rady biaśpieki. «Bačym, što pasłužyła tryhieram. Stvareńnie masavych biesparadkaŭ, a na ich fonie — uzbrojeny kanflikt», — adznačyŭ jon.
Havoračy ab faktarach, jakija vyklikajuć aściarohi, Alaksandr Valfovič padkreśliŭ, što treba ŭličvać «farmavańnie hetych bajavych hrup na sumiežnaj terytoryi». U pryvatnaści, nibyta ich zadumy i zajavy pa siłavym źviaržeńni ŭłady.
Ciapier čytajuć
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»19
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary