U Rasii za tydzień zafiksavali 55 padpałaŭ bankamataŭ i palicejskich mašyn
Za tydzień z 18 pa 26 śniežnia ŭ Rasii było zafiksavana 55 sprobaŭ padpałaŭ i padryvaŭ adździaleńniaŭ bankaŭ, pošty, administracyjnych budynkaŭ i palicejskich aŭtamabilaŭ. Za hety ž pieryjad supracoŭniki palicyi zatrymali 44 padazravanych u ździajśnieńni hetych dziejańniaŭ, paviedamili ŭ Ministerstvie ŭnutranych spraŭ Rasii.
U pryvatnaści, sproby padpałaŭ i padryvaŭ byli zroblenyja ŭ Maskvie, Sankt-Pieciarburhu, Maskoŭskaj, Leninhradskaj, Novasibirskaj, Ćviarskoj, Tulskaj, Pskoŭskaj abłaściach, Krasnajarskim, Ałtajskim krajach i ŭ inšych rehijonach.
U bolšaści vypadkaŭ vykanaŭcami padpałaŭ i padryvaŭ stali ludzi stałaha ŭzrostu, ale byli siarod ich taksama školniki i studenty, «jakija šukali mahčymaść lohkaha zarobku».
«Padazravanyja dziejničali pa instrukcyjach ananimnych kurataraŭ, atrymanych pa telefonie ci z dapamohaj miesiendžaraŭ. Jak praviła, złamyśniki padbuchtorvali hramadzian da ździajśnieńnia złačynstvaŭ, abiacajučy hrašovuju ŭznaharodu. Taksama majucca prykłady, kali afierysty spačatku padmanam zavałodvali srodkami hramadzian, a zatym prapanoŭvali viarnuć vykradzienaje pry ŭmovie vykanańnia peŭnych daručeńniaŭ», — adznačyli ŭ MUS, uskładajučy adkaznaść za heta na ŭkrainskija śpiecsłužby.
U viedamstvie adznačyli, što ŭ dačynieńni da ŭsich asob, jakija ŭčynili padpały i padryvy, raspačatyja kryminalnyja spravy. Inkryminavanyja im artykuły Kryminalnaha kodeksa RF praduhledžvajuć pakarańnie ŭ vyhladzie pazbaŭleńnia voli na termin da 20 hadoŭ.
U suviazi z masavaściu takich złačynstvaŭ u MUS zaklikali rasijan «pavysić pilnaść» i nie ŭstupać u kantakt ź nieviadomymi surazmoŭcami praz telefon abo praź inšyja srodki kamunikacyi.
Va Uładzimirskaj vobłaści Rasii mužčyna na ŭsiedarožniku prataraniŭ vajenkamat, a zatym padpaliŭ aŭtamabil
U Archanhielsku padpalili ofis «Adzinaj Rasii» z humanitarnaj dapamohaj dla vajskoŭcaŭ na vajnie va Ukrainie
U Rasii praciahvajecca marafon padpałaŭ i vybuchaŭ u publičnych miescach
U Rasii masava padpalvajuć bankamaty i palicejskija mašyny
Ciapier čytajuć
«Vy pryjšli siudy łochami, a staniecie drapiežnikami». Jak pracujuć minskija koł-centry skamieraŭ5
Kamientary