У Расіі за тыдзень зафіксавалі 55 падпалаў банкаматаў і паліцэйскіх машын
За тыдзень з 18 па 26 снежня ў Расіі было зафіксавана 55 спробаў падпалаў і падрываў аддзяленняў банкаў, пошты, адміністрацыйных будынкаў і паліцэйскіх аўтамабіляў. За гэты ж перыяд супрацоўнікі паліцыі затрымалі 44 падазраваных у здзяйсненні гэтых дзеянняў, паведамілі ў Міністэрстве ўнутраных спраў Расіі.
У прыватнасці, спробы падпалаў і падрываў былі зробленыя ў Маскве, Санкт-Пецярбургу, Маскоўскай, Ленінградскай, Новасібірскай, Цвярской, Тульскай, Пскоўскай абласцях, Краснаярскім, Алтайскім краях і ў іншых рэгіёнах.
У большасці выпадкаў выканаўцамі падпалаў і падрываў сталі людзі сталага ўзросту, але былі сярод іх таксама школьнікі і студэнты, «якія шукалі магчымасць лёгкага заробку».
«Падазраваныя дзейнічалі па інструкцыях ананімных куратараў, атрыманых па тэлефоне ці з дапамогай месенджараў. Як правіла, зламыснікі падбухторвалі грамадзян да здзяйснення злачынстваў, абяцаючы грашовую ўзнагароду. Таксама маюцца прыклады, калі аферысты спачатку падманам завалодвалі сродкамі грамадзян, а затым прапаноўвалі вярнуць выкрадзенае пры ўмове выканання пэўных даручэнняў», — адзначылі ў МУС, ускладаючы адказнасць за гэта на ўкраінскія спецслужбы.
У ведамстве адзначылі, што ў дачыненні да ўсіх асоб, якія ўчынілі падпалы і падрывы, распачатыя крымінальныя справы. Інкрымінаваныя ім артыкулы Крымінальнага кодэкса РФ прадугледжваюць пакаранне ў выглядзе пазбаўлення волі на тэрмін да 20 гадоў.
У сувязі з масавасцю такіх злачынстваў у МУС заклікалі расіян «павысіць пільнасць» і не ўступаць у кантакт з невядомымі суразмоўцамі праз тэлефон або праз іншыя сродкі камунікацыі.
Ва Уладзімірскай вобласці Расіі мужчына на ўседарожніку пратараніў ваенкамат, а затым падпаліў аўтамабіль
У Архангельску падпалілі офіс «Адзінай Расіі» з гуманітарнай дапамогай для вайскоўцаў на вайне ва Украіне
У Расіі працягваецца марафон падпалаў і выбухаў у публічных месцах
У Расіі масава падпальваюць банкаматы і паліцэйскія машыны
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў5
Каментары