U Rasii praciahvajecca marafon padpałaŭ i vybuchaŭ u publičnych miescach
Učora rasijskija ŚMI i telehram-kanały paviedamlali, što hetymi dniami ŭ roznych rehijonach krainy prakaciłasia chvala padpałaŭ bankamataŭ i palicejskich mašyn. Nie spyniŭsia hety svojeasablivy marafon i siońnia, piša «Nastojaŝieje vriemia».
21 śniežnia adrazu ŭ niekalkich haradach Rasii adbylisia vybuchi piratechniki ŭ miescach zboru ludziej.
Z-za vybuchaŭ evakujavali handlovy centr «Fort» u Maskvie. Vybuch adbyŭsia ŭ raźmieščanym tam pamiaškańni šmatfunkcyjanalnaha centra akazańnia dziaržaŭnych pasłuh. Paźniej vyśvietliłasia, što fiejervierk tut zapuściła piensijanierka. Jak paviedamili ŭ MUS Maskvy, žančyna była zatrymanaja naviedvalnikami i pieradadziena palicyjantam. Pavodle danych MUS, jana dziejničała pa instrukcyi nieviadomych, jakim raniej pieraviała 120 tysiač rubloŭ.
U padmaskoŭnym Karalovie evakujavali HC «Hielijas» paśla padryvu pietardaŭ. Vidavočcy paviedamlali, što vybuch fiejervierku raźbiŭ niekalki šybaŭ, zaharełasia stol. Nichto nie paciarpieŭ. Padazravanym u zapusku fiejervierka ŭ Karalovie akazaŭsia 63-hadovy mužčyna, jaho zatrymali.
U Chimkach Maskoŭskaj vobłaści padpalili piratechniku ŭ adździaleńni pošty, zatrymali 70-hadovuju žančynu.
Taksama paviedamlałasia pra vybuch kala bankamata na Siarednieochcinskim praśpiekcie ŭ Sankt-Pieciarburhu. Pa słovach vidavočcaŭ, u adździaleńni banka, pry jakim mieściŭsia bankamat, pačaŭsia pažar.
Telehram-kanały publikujuć fota i videakadry mierkavanaj padryŭnicy bankamata ŭ Pieciarburhu. Heta pažyłaja žančyna, jakaja, vierahodna, pryniesła z saboj słoik z haručaj sumieśsiu, zajšła ŭ adździaleńnie, vyliła źmieściva banki na aparat i padpaliła.
Taksama paviedamlajecca, što na ŭskrainie Tabolska nieviadomyja padpalili śniehaŭboračnuju čyhunačnuju mašynu, a ŭ Krasnajarsku studentka padpaliła bank.
Pavodle danych blizkaha da siłavikoŭ kanała Baza, usiaho ŭ Rasii za dvoje sutak adbyłosia 13 padpałaŭ mašyn, budynkaŭ i fiejervierkaŭ. Pavodle papiarednich danych, nichto ŭ vyniku nie paciarpieŭ.
Blizkija da rasijskich siłavikoŭ kanały śćviardžajuć, što padpalščyki nibyta dziejničajuć pa ŭkazcy machlaroŭ, jakija pradstaŭlajucca supracoŭnikami pravaachoŭnych orhanaŭ. Mienavita jany nibyta takim čynam pierakonvajuć ludziej udzielničać u «sakretnaj apieracyi suprać machlaroŭ».
Pravaabarončy prajekt Avtozak LIVE raniej padličyŭ, što ŭ Rasii z pačatku poŭnamaštabnaj rasijskaj ahresii va Ukrainie 547 čałaviek stali fihurantami kryminalnych spraŭ ab padpałach abo sprobach padpałaŭ vajenkamataŭ, administracyjnych budynkaŭ i abjektaŭ čyhunačnaha transpartu. U 148 vypadkach fihuranty sprabavali padpalić abjekty čyhunačnaj infrastruktury: relejnyja šafy, stancyi i ciahniki.
U Rasii masava padpalvajuć bankamaty i palicejskija mašyny
Rasijskaja hłybinka: žančynie dali 13 hadoŭ za padpał vajenkamata. Dva jaje syny siadziać, treci na vajnie, čaćviorty ŭ prytułku
U Rasii piensijanierka atrymała 10 hadoŭ kałonii za padpał vajenkamata pa zahadzie machlaroŭ
«Ablivajcie ŭsich». Jak nieviadomyja prymušali rasijan iści na vybary ź zialonkaj i kaktejlami Mołatava
Telefonnyja machlary pierakanali achviaru raźbić dźviery ŭ banku
Žančyna padpaliła dva aŭto i kvateru — usio pa prośbie telefonnych machlaroŭ
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary