Ministerstva padatkaŭ i zboraŭ apublikavała infarmacyju pra maksimalnyja roźničnyja ceny na cyharety ź filtram, jakija pačnuć dziejničać z 1 studzienia 2025 hoda.
U adpaviednaści z hetaj infarmacyjaj, u Biełarusi z novaha hoda pavinna vyraści cana dziasiatkaŭ marak cyharet: 78 — vytvorčaści tytuniovaj fabryki «Nioman», 53 — vytvorčaści TAA «Tytuń-Inviest», 38 — vytvorčaści TAA «Sientoni PRA», 36 — vytvorčaści ZTAA «ALIDZI-viest», 12 — jakija ŭvoziacca dziaržpradpryjemstvam «Biełaruśhandal».
Pakolki mnohija z nazvanych marak vyrablajucca i ŭvoziacca adrazu niekalkimi z nazvanych kampanij, faktyčna źmianieńnie koštu zakranie tolki kala 115 marak.
Cana na vyraby pavysicca ŭ asnoŭnym na 20-40 kapiejek, choć jość i takija, košt jakich pavialičycca adrazu na 80 kapiejek.
Marki, što vyrablajucca TAA «Inter Tabaka» i ŭvoziacca TAA «Sientoni PRA», nie padaražejuć.
Taksama z apublikavanaj infarmacyi vynikaje, što fabryka «Nioman» pačnie vyrablać novyja dla ajčynnaha rynku cyharety «Fest QS» (pa 3,80 rubla), «Minsk QS» (pa 3,85 rubla), Credo QS (pa 3,75 rubla), «NZ Charm Red» (pa 4, 65 rubla), «NZ Charm Braŭn» (pa 4,65 rubla).
ZTAA «ALIDZI-Viest» stanie vypuskać taksama novuju dla ajčynnaha rynku marku Kent Nano Aroma Violet (pa 7,30 rubla).
Łatuška abviarhaje abvinavačańni ŭ charasmencie ad delehatki KR Karpušonak80
Łatuška abviarhaje abvinavačańni ŭ charasmencie ad delehatki KR Karpušonak
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona22
Kamientary