Rasijskija mytniki zatrymali rekordnuju partyju kantrabandnych cyharet ź Biełarusi
Mietady chavańnia kantrabandy stanoviacca ŭsio bolš vynachodlivymi.
Pra hetaje paviedamlaje vydańnie «Fłahštok».
U Krasnahorskim rajonie Branskaj vobłaści supracoŭniki mabilnaj mytnaj hrupy spynili hruzavy aŭtamabil, jakim kiravaŭ 54-hadovy hramadzianin Biełarusi.
Pavodle dakumientaŭ, kiroŭca pieravoziŭ adsieŭ druzu z Homiela ŭ Bransk, ale pry ahladzie mytniki vyjavili pad adsievam 359 skrynak z cyharetami.
Usiaho było kanfiskavana 173 tysiačy pačak cyharet Karona Kalisto Super Slim. Ahulny košt kantrabandy mytniki acanili ŭ 22,3 miljona rasijskich rubloŭ (kala $ 211 tysiač).
Branskija mytniki rehularna vyjaŭlajuć pastaŭščykoŭ kantrabandnych cyharet ź Biełarusi. Adnak hetaja partyja stała najbujniejšaj za apošni čas. Z 1 krasavika 2024 hoda ŭ Rasii tytuniovaja pradukcyja ŭklučana ŭ śpis stratehična važnych tavaraŭ i resursaŭ.
U vyniku ŭ dačynieńni da biełarusa było raspačata kryminalnaja sprava za kantrabandu stratehična važnych resursaŭ, ździejśnienuju ŭ bujnym pamiery. Mužčynu pahražaje da piaci hadoŭ pazbaŭleńnia voli albo štraf u pamiery da 1 miljona rasijskich rubloŭ (kala $ 9,5 tysiač).
Biełaruskija cyharety składajuć 84,5% usich kantrafaktnych pastavak tytuniovaj pradukcyi ŭ Rasiju. Kantrabanda kvitnieje z-za roźnicy ŭ cenach na tytuniovyja vyraby. U Rasii minimalnaja cana na cyharety ŭ 2024 hodzie składaje 129 rasijskich rubloŭ (kala $ 1,22). Samyja tannyja biełaruskija cyharety na siońniašni dzień kaštujuć 2,65 rubla (prykładna $ 0,8).
Žurnalist Mancevič, błohiery Kazłoŭ i Vinahradaŭ, palityk Kučuk. paplečniki Aŭtuchoviča i Statkieviča. Chto jašče z palitviaźniaŭ vyzvaliŭsia siońnia?22
Kamientary